Menu terloops
In Gons [20 Jun 2024]

Merke, gereed! 16de seisoen van ‘Boer soek ’n vrou’ op pad


‘Plaasjapie’ se stadsjapies maak binnekort plek vir boere wat soek na liefde wanneer ‘Boer soek ’n vrou’ se sestiende seisoen in Julie op kykNET begin. 

Merke, gereed! 16de seisoen van ‘Boer soek ’n vrou’ op pad

Boer soek ’n vrou het sedert 2008 ’n móét-kyk afspraak op die Suid-Afrikaanse televisiekalender geword. En sedertdien het tientalle boere al deur hierdie reeks hul lewensmaats ontmoet. Só het drie van die top-vyf boere van 2023 se Boer soek ’n vrou, Francois, Hennie en Louis B, intussen met hul pasmaats getrou. 

Soos voorheen sal dié seisoen van die maatsoekreeks grootliks fokus op die vyf boere wat die meeste inskrywings ontvang het. Kykers sal dan dié hubare boere se opwindende liefdesreis oor die loop van 13 episodes volg. 

Marciel Hopkins keer ook vir ’n vierde keer as aanbieder van die reeks terug. Haar voorgangers sluit Leah van Niekerk, Minki van der Westhuizen, Nadia Beukes, Angelique Gerber en Elma Postma in. 

Die ouderdom van 2024 se boere wissel tussen 23 en 40, en hulle kom van ses provinsies. 

Hier is die top-tien boere wat kykers gaan ontmoet:

André, 31 (Vroulike pasmaat) Naboomspruit, LimpopoBoerdery: Vee, wild & pekanneute
Hendri, 31 (Vroulike pasmaat) Dewetsdorp, VrystaatBoerdery: Bees & skaap
Janco, 37 (Vroulike pasmaat) Colesberg, VrystaatBoerdery: Skaap, bees & wild
Lulani, 40 (Vroulike pasmaat) Philippolis, VrystaatBoerdery: Bees & Skaap
Quintus, 38 (Vroulike pasmaat) Winburg, VrystaatBoerdery: Vee, saai & gemeng
Daandré, 26 (Vroulike pasmaat) Brits, NoordwesBoerdery: Groente
Jacques, 26 (Vroulike pasmaat) Venterstad, Oos-KaapBoerdery: Skaap & bees 
JW, 23 (Vroulike pasmaat) Villiersdorp, Wes-KaapBoerdery: Gemeng, appels, pere & skape
Niel, 30 (Vroulike pasmaat) Dannhauser, KwaZulu-NatalBoerdery: Saai & vee 
Sanel, 39 (Manlike pasmaat) Dwaalboom, LimpopoBoerdery: Wild & bees

Boer soek ’n vrou begin op Donderdag 18 Julie om 20:00 op kykNET (kanaal 144 op DStv) en DStv Stream. Ook ná uitsending op Catch Up beskikbaar.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

kykNET se nuwe mini-dramareeks is ’n verhaal van verlies, vergifnis en hoop

Twee mans se paaie kruis in ’n ondersteuningsgroep ná die verlies van geliefdes. kykNET se 'Elke donker wolk' verken hoe ’n onverwagse vriendskap ruimte skep vir vergifnis, genesing en hoop.

Meer

Rubriek: Gaan griffel in Ouma se resepteboek! ‘Kokkedoor: Klassiek’ is terug! 

Ná ’n voorskou van die eerste episode laat 'Kokkedoor: Klassiek' vir Marteni Burger verlang na haar ouma se resepte én sien sy uit na nog skeppies nostalgie - met ’n knippie kombuisdrama en verrassende kinkels daarby.

Meer

Van die veld tot die kelder – kuier dié November saam met VIA

Van wildplase en wynkelders tot huise met karakter: VIA se November-aanbod beloof vars ontdekkings. Kuier saam met Shari Kennedy, Leandie du Randt, Frank Rautenbach en JP Quickelberge, en leer ken die mense, stories en plekke wat Suid-Afrika so besonders maak.

Meer

Chanél Muller oor ‘Sy, die meeue en die Heilige Gees’

"Enige persoon se geloofsreis is ’n baie persoonlike reis, en dit gebeur alles baie innerlik", sê Chanel Muller, die skrywer, regisseur en vervaardiger van die kykNET-reeks 'Sy, die meeue en die Heilige Gees'.

Meer
Sien alle opsies