Menu terloops
In Sepies [30 Jul 2023]

Sepievoorskou: Tyd is teen baie families dié week in ‘Suidooster’ en ‘Diepe Waters’


Hul soeke na die waarheid maak party karakters benoud en angstig in sepieland vandeesweek. Veral as tyd teen hulle tel… Waarna kan jy hierdie week (31 Julie tot 4 Augustus 2023) op ‘Suidooster’, ‘Binnelanders’ en ‘Diepe Waters’ uitsien?

Deur Tarren-Lee Habelgaarn
Sepievoorskou: Tyd is teen baie families dié week in ‘Suidooster’ en ‘Diepe Waters’

Suidooster 

Bridgette (Denise Newman) het bitter na aan die dood gekom, maar gelukkig het risotto en Elana (Esther von Waltsleben), met ’n bietjie hulp van Tim (Marco Spaumer), haar lewe gered. Nou is die soektog na Ezra ’n prioriteit. Maar is hulle op soek na die regte persoon? In sy desperaatheid vertrou Tim die verkeerde persoon en dit het natuurlik drastiese gevolge. 

Nazeem (Irvine van der Merwe) weet tyd is nie aan sy kant nie en probeer alle avenues om sy gemors toe te smeer. Het hy dalk die keer te diep ’n gat vir homself gegrawe? 

Siya (Gantane Kusch) is ook op soek na die waarheid, maar sal Danni (Vashti Prins) en Angie (Char Carrie) vir Orpa (Marisa Drummond) kan besig hou terwyl Pastoor Thuli (Gantane Kusch) sy lyf Sherlock Holmes hou? 

Mrs J (Theresa Sedras) wil ook antwoorde hê, maar Ruiterbosch se kerkgemeenskap gaan nie weet wat hulle getref het as die waarheid uitkom nie. 

Kyk Suidooster op DStv Online.

Binnelanders 

Nadat Liam (David Viviers) vir Karen (Luandri Reynders) die ja-woord gevra het, sweef dié twee behoorlik op ’n wolk. Maar ’n mens kan mos nie net gelukkig wees in sepieland nie. Liam en Dawid (Deon Lotz) se verhouding word uiteindelik sterker, maar as die waarheid oor Milan (Anelma Meiring) se identiteit uitkom, gaan dit weer ’n skeur in hierdie verhouding veroorsaak. 

Annelize (Cindy Swanepoel) sukkel om die regte besluit oor Jazzy (Stephanie Ndlovu) en haar baba te maak. Dit lei tot drastiese aksies en ons almal weet Annelize het niks nodig om dramaties te wees nie. Maar shame, sal sy ooit net in rus en vrede geluk kan vind? Almal en alles verdwyn mos altyd uit haar lewe. 

Mense sê verandering is so goed soos ’n vakansie, maar as jy vir Delia (Odelle de Wet) sou vra, is dít een groot leuen. ’n Nuwe gesig by Chiron gaan immers vir Delia op haar tone hou. Of dié twee sal kan saamwerk, weet ek nie… Maar Delia se geduld gaan regtig getoets word. 

So gepraat van geduld: Tracy (Melinda Brink) se geduld met Louis (Germandt Geldenhuys) – en syne met Tracy – is nou net mooi op. Dinge raak lelik tussen hierdie twee, want albei dink mos hulle besit ’n Michelin-ster-restaurant. As jy wil sien hoe mense ’n oorlog oor koffie en koek begin, is Binnelanders die sepie vir jou hierdie week. 

Kyk Binnelanders op DStv Online.

Diepe Waters

As dít is hoe kinders oornag verander wanneer hulle 18 word, moet ek dit dalk oorweeg om my kinders se kamerdeure toe te sluit tot hulle 21 is. Roussouw (Altus Theart) en Sanet (Nadia Valvekens) se senuwees hang aan flenters. Ongelukkig is hulle op soek na ’n dogtertjie – en Karla (Daniélle Swanepoel) het oornag in ’n jong vrou verander. 

Karla baklei hard vir haar vryheid en wys ’n hele ander kant van haar. Arno (Jean Henry) is vasbeslote om sy lojaliteit teenoor die Swarts-familie te bewys. Maar gaan hulle hom met ope arms verwelkom? 

Gys (Justin Strydom) se woede teenoor Karla hou nie lank nie… Veral omdat hy ’n nuwe goue medalje by die klub ontdek. En ons almal weet die enigste ding wat Gys meer as familie love is die idee van goud by die Olimpiese spele wen. 

Kyk Diepe Waters op Catch Up en DStv Online.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

Jou kykgids vir ‘Boer soek ’n vrou’ se 16de seisoen

Dit als begin met ’n brief... Hier is wat jy in elke episode van die nuwe seisoen van die maatsoekreeks 'Boer soek ’n vrou', vanaf Donderdag, 18 Julie 2024 op kykNET, kan verwag.

Meer

Die onverbiddellike houvas van Jake Gyllenhaal se ‘Presumed Innocent’

'Presumed Innocent', ’n nuwe misdaadreeks op Apple TV+ met Jake Gyllenhaal in die hoofrol, is ’n rit deur troebel waters van geregtigheid en verraad – ’n rit wat jy eerder nie moet misloop nie.

Meer

Redakteurskeuse vir Julie 2024: Trefferreeks ‘Elite’ se finale seisoen, ’n robot vir jou trane in meesleurende ‘Sunny’, en nog

Wat om te kyk: Die finale seisoen van die Netflix-treffer ‘Elite’, ’n manjifieke Kate Winslet in ‘The Regime’ en ’n troos-robot in ‘Sunny’ tel onder my keur van TV-vermaak vir vandeesmaand se redakteurskeuse.

Meer

Jou ‘Skemergrond’-gids vir Julie 2024

Ons ontmoet die mense van Gemoedsdrif, en sommer in die eerste episodes is daar reeds nuwe romanse, ’n bakleiery en iemand se verlede wat kom spook. Dít en nog meer is waarna ‘Skemergrond’-kykers in Julie kan uitsien. Hier is ons handige kykgids.

Meer
Sien alle opsies