Menu terloops
In Features [11 Jul 2023]

Wie’s wie in die Afrikaanse hospitaaldrama, ‘Hartklop’


Die rolverdeling van kykNET se nuwe dramareeks, ‘Hartklop’, sluit bekende name soos Simoné Pretorius, Leandie du Randt en die veteraanakteur Dawid Minnaar in. Ons vertel jou meer van dié storie se karakters en die akteurs wat hulle vertolk.

Kyk vanaf 18 Julie 2023

Wie’s wie in die Afrikaanse hospitaaldrama, ‘Hartklop’
Kyk lokprent

In die eerste paar minute van die nuwe Afrikaanse hospitaaldrama op kykNET, Hartklop, ontmoet ons die ses hoofkarakters met wie se lewens ons oor die verloop van die storie baie bekend gaan raak. Elkeen het natuurlik hul eie storie, maar daar is een ding wat al ses in gemeen het: Beyers Naudé Akademiese Hospitaal, ’n staatshospitaal in Johannesburg en die top-opleidingshospitaal in die land. 

Van die ses hoofkarakters is drie dokters wat in die eerste episode vir hul eerstejaarinternskap aanmeld. 

Wie’s wie?

Simoné Pretorius (Binnelanders, Hotel) speel  dr. Elani Breytenbach. Elani kom uit ’n bevoorregte huis. Haar ma is ’n regsgeleerde wat engiets en alles vir haar dogter sal doen. Haar kliniese assistent en direkte hoof is dr. Veronica Pietersen (Renate Stuurman) en die konsultant, oftewel die hoof van die afdeling, is dr. Suzanne de Jongh (Marlee van der Merwe). Christo Davids is te sien as Sollie, Dr. Veronica Pietersen se man. 

Hartklop
Simoné Nortmann as Dr. Elani Breytenbach. Foto: Verskaf
Hartklop
Dr. Veronica Pietersen (Renate Stuurman). Foto: Verskaf
Hartklop
Marlee van der Merwe as dr. Suzanne de Jongh. Foto: Verskaf

Carla Classen (Stroomop, Lioness) speel dr. Karima Salie. Karima wil haar konserwatiewe agtergrond agterlaat. Sy en Elani was kamermaats op Tukkies. Karima werk in ongevalle onder die kliniese assistant dr. Louw van Onselen (David Louw) en die hoof van hul afdeling is dr. Daniel Strydom (Jacques Bessenger). 

Hartklop
Carla Classen as dr. Karima Salie. Foto: Verskaf
Hartklop Dr. Louw van Onselen (David Louw
David Louw as dr. Louw van Onselen. Foto: Verskaf
Hartklop Jacques Bessenger as dr. Daniel Strydom.
Jacques Bessenger as dr. Daniel Strydom. Foto: Verskaf

Oros Mampofu (Skeem Saam, Savage Beauty) vertolk die rol van dr. Fezile Nodada, ’n jong man uit die Oos-Kaap wat as ’n chirurg wil kwalifiseer. Hy is egter by ’n kruispad wat sy Afrika-tradisies en sy praktiese toepassing van westerse medisyne betref. Die kliniese assistent saam met wie hy werk, is dr. Jolene Joubert (Leandie du Randt). Die konsultant van chirurgie is prof. Gustav Coetzee (Dawid Minnaar). 

Christel van den Bergh is te sien as Anke Dempsey, ’n hoogse bekwaamde verpleegster in die noodafdeling.

Hartklop Oros Mampofu (Skeem Saam, Savage Beauty) vertolk die rol van dr. Fezile Nodada
Oros Mampofu vertolk die rol van dr. Fezile Nodada. Foto: Verskaf
hartklop
Leandie du Randt as dr. Jolene Joubert. Foto: Verskaf
Dawid Minnaar as prof. Gustav Coetzee. hartklop
Dawid Minnaar as prof. Gustav Coetzee. Foto: Verskaf
Christel van den Bergh is te sien as Anke Dempsey. Foto: Verskaf

En nog…

Ander groot name in die rolverdeling (sommige deurlopend en ander gasrolle) sluit in Arno Marais, Rika Sennett, Thulani Mtsweni, Susan Coetzer, Vusi Thanda, Esmeralda Bihl, Elma Postma, Francois Jacobs en Bouwer Bosch. 

Opgeleide verpleegsusters het ook met die verfilming van die operasietonele gehelp om dit so realisties moontlik te maak. 

Die reeks is deur Zoë Laband (The Girl from St. Agnes) geskryf en die regisseurs is Harold Hölscher en Christo Davids. 


Hartklop begin op Dinsdag, 18 Julie om 20:00 op kykNET (DStv-kanaal 144) en sal ook op Catch Up beskikbaar wees.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

18

Wat om te kyk: 18+ epiese boeke wat in TV-reekse omskep is

Soveel boeiende boeke wat omskep is in soveel skitterende TV-reekse. Hier is ons keur van dié reekse wat jou gaan bekoor, inspireer en ontroer.

Meer

Redakteurskeuse vir Junie 2024: Grootse ‘House of the Dragon’ keer terug, Federer se finale dae, Celine Dion se stryd, en nog

Wat om te kyk: Roerende dokkies oor Celine Dion en Roger Federer, die tweede seisoen van die epiese 'House of the Dragon' en deel twee van 'Bridgerton' se derde seisoen tel onder my keur van TV-vermaak vir vandeesmaand se redakteurskeuse.

Meer

Jou ‘Diepe Waters’-gids vir Junie 2024

Daar is ’n skokkende voorval by die swemklub, Zelda is ongelukkig en ’n onwelkome gas verskyn op Sanet se drumpel. Dít en nog meer is waarna 'Diepe Waters'-kykers in Junie kan uitsien. Hier is ons handige kykgids.

Meer

Jou ‘Suidooster’-gids vir Junie 2024

Rhafiek en Kaashifa sukkel om op dieselfde bladsy te kom en Elana ontdek ’n splinternuwe gawe – 'Suidooster'-kykers kan na dít en nog meer in Junie uitsien. Hier is ons handige kykgids.

Meer
Sien alle opsies