Menu terloops
In How-to's [13 Sep 2021]

Streaming 101: Alles wat jy moet weet


Of jy nou na die nuutste treffers wil luister, ’n fliek of reeks wil kyk wanneer en waar jy wil – en sonder enige advertensies – is streaming die antwoord. En deesdae is daar heelwat platforms om van te kies.

Streaming 101: Alles wat jy moet weet

Of jy nou na die nuutste treffers wil luister, ’n fliek of reeks wil kyk wanneer en waar jy wil (en sonder enige advertensies) is streaming die antwoord. En deesdae is daar heelwat platforms om van te kies.

Hier is wat nodig is om weg te spring.  

Wat het jy nodig?

’n Goeie internetkonneksie! Al laat meeste platforms jou toe om inhoud af te laai om later te kyk of te luister en jy die gehalte daarvan self kan stel, het jy nogtans genoeg breëband nodig. Jy gaan of ’n onbeperkte-konneksie nodig hê, hetsy jy ADSL, fibre of LTE gebruik, of ’n gróót data-toelaag – afhangend natuurlik van jou kykgewoontes.

Hoewel fibre reeds in verskeie buurte in Suid-Afrika beskikbaar is, is daar steeds plekke wat dit nie het nie. Met ADSL is ’n 4Mbps-konneksie gewoonlik genoeg vir musiek en videos, maar 10Mbps is beter (en vinniger) as jy hoë-definisie -inhoud wil kyk.

Nog ‘n opsie is internetverskaffers wat LTE-produkte aanbied wat dieselfde netwerke as jou selfoon gebruik en verskeie toestelle – soos jou selfoon en rekenaar – kan koppel. Jy kan ook jou selfoon se data gebruik, maar dit kan baie vinnig, baie duur raak.

Kies jou toetstel: Wat kan jy alles gebruik?

Meeste dienste laat jou toe om via apps vir fone, tablette en slim-TV’s te stream. Indien jy nie ‘n slim-TV het nie, maar wel ‘n HDMI-port, kan jy jou rekenaar só koppel, of toestelle soos Google Chromecast en Apple TV gebruik. Indien jy speletjies op TV speel, sal sommige van die nuwer Xbox- en PlayStation-konsole ook gebruik kan word.

Kies jou verskaffer: Watter stroomdiens moet ek kies?

Dit hang alles af van wat jy wil kyk en luister. Al die grootnaam-dienste bied ‘n gratis toetslopie aan. Jy kan dus eers die waters toets voor jy die maandelikse intekening begin betaal.

Videodienste is sowat R100 per maand afhangend van hoeveel toestelle daaraan gekoppel word.

Die groot name sluit in ShowmaxNetflix, DStv Online, en Amazon Prime Video. Showmax bied van die beste oorspronklike plaaslike inhoud, bekroonde HBO-reekse en ‘n groot katalogus flieks en kinderprogramme, terwyl Netflix en Amazon ook verskeie oorspronklike flieks en reekse het.

Wenke vir diensverskaffers

Soos met meeste dinge in die lewe, is dit die moeite werd om al jou opsies te ondersoek voor jy op ’n diensverskaffer besluit. Begin deur uit te vind wie die beste diens in jou woonbuurt of area bied.

Vergelyk byvoorbeeld die pakkette van onder meer AfrihostMWEBVoxTelkomCell CVodacom en MTN. Kyk na goed soos hoe lank die kontrak is en let op die fynskrif, veral wanneer dit ‘n nuwe diens is en jy die installasie, modem en ander hardeware ingesluit verkies. Indien jy kan, kyk of jy ‘n maand-tot-maand-pakket kan kry wat jou sal toelaat om te skuif indien jy elders ‘n beter aanbod kry.  

Met streaming is daar minder om oor bekommerd te wees as met internetverskaffers. Meeste dienste bied ’n gratis toetsperiode aan en jy sal dus ’n kans kry om te besluit voor jy die kontrak teken.

Kyk na die opsie om inhoud af te laai wanneer jy jou die platform kies. Dit sal beteken dat jy inhoud kan kyk of luister selfs wanneer jy nie aan die internet gekoppel is nie – soos wanneer jy reis, of as jy van openbare vervoer gebruik maak en jy graag net stilletjies met jou masker en jou oorfone wil kyk wat wie nou weer in Suidooster aangevang het.

Hoekom streaming?

Dit laat jou nie net toe om toegang tot méér inhoud te kry nie, dit laat jou ook toe om toegang tot splinternuwe reekse te kry en nie jarre daarvoor hoef te wag nie…of jou tot effense minder wettige kyk-metodes te wend nie.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

15

Van ‘Bridgerton’ tot ‘Shaka iLembe’: 15+ periodedramas om nou te kyk

Van die Shelby-broers se bloederige vuiste in ‘Peaky Blinders’ tot dáái koetstoneel in die derde seisoen van ‘Bridgerton’. Hier is ons keur van die beste periodedramas wat jy tans kan stroom. 

Meer
18

Wat om te kyk: 18+ epiese boeke wat in TV-reekse omskep is

Soveel boeiende boeke wat omskep is in soveel skitterende TV-reekse. Hier is ons keur van dié reekse wat jou gaan bekoor, inspireer en ontroer.

Meer

Redakteurskeuse vir Junie 2024: Grootse ‘House of the Dragon’ keer terug, Federer se finale dae, Celine Dion se stryd, en nog

Wat om te kyk: Roerende dokkies oor Celine Dion en Roger Federer, die tweede seisoen van die epiese 'House of the Dragon' en deel twee van 'Bridgerton' se derde seisoen tel onder my keur van TV-vermaak vir vandeesmaand se redakteurskeuse.

Meer

Jou ‘Diepe Waters’-gids vir Junie 2024

Daar is ’n skokkende voorval by die swemklub, Zelda is ongelukkig en ’n onwelkome gas verskyn op Sanet se drumpel. Dít en nog meer is waarna 'Diepe Waters'-kykers in Junie kan uitsien. Hier is ons handige kykgids.

Meer
Sien alle opsies