Suidooster, het vyf benoemings vir vanjaar se Safta-toekennings gekry, onder meer vir beste sepie, ’n kategorie wat dié reeks in 2022 gewen het. Daarteenoor spog Binnelanders met nege benoemings waarvan vyf vir die rolverdeling is.
Die MultiChoice-groep, wat die stroomdiens Showmax insluit, het altesame 176 Safta-benoemings (South African Film and Television Awards) ingeryg. Met Showmax se totaal van 118 benoemings – 36 vir Showmax Originals en 82 vir gelisensieerde inhoud – het dié stroomdiens Showmax die meeste van die 176 kopknikke ontvang. Daarna volg kykNET met 59 benoemings in die 90 kategorieë.
Die programme met die meeste benoemings is Shaka Ilembe met 17, gevolg deur The River en Outlaws, wat met 11 benoemings elk die mees benoemde telenovelas is. Daarna volg Binnelanders met nege benoemings.
Die dokumentêr-vervaardigers IdeaCandy het 11 benoemings gekry vir hul werk aan die dokkies Convict Conman, Rosemary’s Hitlist, ’n Gids vir Louzanne, Call of the Wild, Langafstand, Habits of Gen Z en Sex and Pleasure. Hul 12de benoeming is vir beste kortfilm vir Thrift tot die dood. Laasgenoemde, asook ’n Gids vir Louzanne, Call of the Wild en Langafstand is vir die kykNET Silwerskermfees vervaardig.
Die kykNET-komediereeks Taktiek het ses benoemings behaal. Daaronder tel: beste grimering en haarstilering, beste klank, beste regie, beste manlike byspeler, beste aktrise, en beste TV-komedie.
Showmax se Spinners het benoemings vir redigering, regie en sy draaiboek ontvang.
SuperSport het vier benoemings ontvang. Drie hiervan is vir Rise: The Siya Kolisi Story (beste dokumentêre rolprent, beste klank in ’n dokumentêr, beste redigering in ’n dokumentêr) is.
Kykers kan vanaf 9 September 2024 stem vir kategorieë waarin wenners deur die stemme van die publiek bepaal word.
