Menu terloops
In Gons [15 Feb 2024]

Koebaai ‘Arendsvlei’, hallo ‘Skemergrond’


As die geliefde telenovela ‘Arendsvlei’ later vanjaar tot ’n einde kom, word dit deur ene ‘Skemergrond’ vervang – ’n nuwe telenovela wat afspeel in Gemoedsdrif, ’n klein dorpie in die Wes-Kaap, en draai om die Louw-familie en hul blomplaas

Koebaai ‘Arendsvlei’, hallo ‘Skemergrond’

In Julie vanjaar begin Skemergrond, ’n nuwe en opwindende Afrikaanse telenovela, en beloof dramatiese TV-vermaak wat wissel van diep bewaarde familiegeheime en wraak tot ware liefde, leuens en verbrokkelende vriendskappe.

Skemergrond kom in die plek van Arendsvlei wat ná meer as vyf jaar op kykNET&Kie. in Junie vanjaar tot ’n einde kom. Arendsvlei het baanbrekerswerk as ’n Afrikaanse telenovela gedoen sedert die eerste episode op 1 Oktober 2018 uitgesaai is.

Skemergrond sal, nes Arendsvlei, ook vier aande ’n week uitgesaai word en sal ook beskikbaar wees om terseldertyd te stroom op DStv Stream, of later op te vang via DStv Catch Up.

Die storie

Skemergrond speel af in Gemoedsdrif, ’n klein dorpie in die Wes-Kaap, en draai om die Louw-familie en hul blomplaas.

Die Louws se rustige bestaan word omvergegooi as onverwagte gaste opdaag wat dreig om skokkende familiegeheime te onthul.

Ou wonde word oopgekrap en nuwe bande word gesmee om die Louws en hulle nalatenskap te beskerm.

Agter die skerms

Roxanne Blaise, bekend vir haar rolle in Sara se Geheim en White Lies, is die hoofregisseur. Sy was ook een van die regisseurs van Arendsvlei. By verlede jaar se Silwerskermfees het sy saam met Mujaanhid Valley die toekenning vir die beste draaiboek gewen vir die kortfilm Die Blokke. Roxanne is ook as beste regisseur vir Die Blokke benoem. 

“Ons is verheug oor hierdie fantastiese geleentheid. Die vars en opwindende rolverdeling gaan ’n epiese familiesage na die kassie bring. Skemergrond speel af tussen die Wes-Kaapse platteland en die blommemarkte van Kaapstad en is vol interessante karakters wat donker geheime saam met hul dra,” sê Roxanne.

Die ander regisseur is Marissa Drummond, wat ook as aktrise bekend is vir haar rolle in onder meer Spoorloos: Die eiland, en Suidooster. Bobby Stuurman, wat met Arendsvlei sy opleiding as regisseur gekry het, is die leerlingregisseur en dialoog-afrigter. 

Die gedugte skryfspan het tussen hulle al aan vele plaaslike sepies en telenovelas gewerk. Hulle is: Jo-Ann Scholtz (7de laan), Johann Davis (ArendsvleiSuidooster), Alyzzander Fourie (High RollersIsidingo), Margaret Goldsmid (Diepe WatersArendsvleiAfgrond), Meesha Aboo (Diepe WatersUnseenArendsvlei), Kanya Viljoen (Arendsvlei), Lauren Scholtz (ArendsvleiDiepe Waters), Henry Cloete (ArendsvleiDiepe WatersSuidooster) en Tristam Atkins (Diepe WatersUnseenArendsvleiSuidooster). 

Die reeks word deur Penguin Films vervaardig wat reekse en films soos Sara se GeheimFishy Fêshuns, Afgrond en Diepe Waters op hulle kerfstok het. Roberta Durrant en Andrea Frankson-Titus is die kreatiewe vervaardigers van Skemergrond.

“Ons het ’n uitsonderlike rolverdeling en ’n briljante span mense agter die skerms bymekaar gebring om hierdie veelvlakkige storie vol geheime, liefde en wraak te vertel. Kykers gaan aangegryp en verras word deur al die emosionele kinkels,” sê Roberta.


Die rolverdeling van Skemergrond word later aangekondig, maar veteraanakteurs én nuwelinge in. Skemergrond begin in Julie 2024 op kykNET&kie (DStv-kanaal 145) en DStv Stream. Dit sal van Maandag tot Donderdag om 19:30 uitgesaai word.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

Jou kykgids vir ‘Boer soek ’n vrou’ se 16de seisoen

Dit als begin met ’n brief... Hier is wat jy in elke episode van die nuwe seisoen van die maatsoekreeks 'Boer soek ’n vrou', vanaf Donderdag, 18 Julie 2024 op kykNET, kan verwag.

Meer

Die onverbiddellike houvas van Jake Gyllenhaal se ‘Presumed Innocent’

'Presumed Innocent', ’n nuwe misdaadreeks op Apple TV+ met Jake Gyllenhaal in die hoofrol, is ’n rit deur troebel waters van geregtigheid en verraad – ’n rit wat jy eerder nie moet misloop nie.

Meer

Redakteurskeuse vir Julie 2024: Trefferreeks ‘Elite’ se finale seisoen, ’n robot vir jou trane in meesleurende ‘Sunny’, en nog

Wat om te kyk: Die finale seisoen van die Netflix-treffer ‘Elite’, ’n manjifieke Kate Winslet in ‘The Regime’ en ’n troos-robot in ‘Sunny’ tel onder my keur van TV-vermaak vir vandeesmaand se redakteurskeuse.

Meer

Jou ‘Skemergrond’-gids vir Julie 2024

Ons ontmoet die mense van Gemoedsdrif, en sommer in die eerste episodes is daar reeds nuwe romanse, ’n bakleiery en iemand se verlede wat kom spook. Dít en nog meer is waarna ‘Skemergrond’-kykers in Julie kan uitsien. Hier is ons handige kykgids.

Meer
Sien alle opsies