Menu terloops
In Wat om te kyk [12 Feb 2024]

Jou telenovela-gids: Hierdie week se scoop oor ‘Moederhart’ en ‘Skerpioen’


Waarna kan jy hierdie week (12 tot 15 Februarie 2024) op die oorgeklankte Turkse telenovelas ‘Moederhart’ en ‘Skerpioen’ op kykNET&kie uitsien?

Jou telenovela-gids: Hierdie week se scoop oor ‘Moederhart’ en ‘Skerpioen’

Elke week bring ons vir jou ’n opsommende voorskou oor al die drama, smart en skandale waarna jy op kykNET&kie se Turkse telenovelas, wat na Afrikaans oorgeklank is, kan uitsien. Hier is wat op Moederhart en Skerpioen gaan uitspeel.

Moederhart

Maandag, 12 Februarie

Ahmet jaag Ceylan uit die winkel uit en Cemre roskam Kaan. Fazil se eks maak amok op kantoor en Emel gee hom die trekpas. 

Dinsdag, 13 Februarie

Ahmet besoek vir Nefise om haar te vertel van sy bedoelinge met Zeynep.  Zeynep sê vir Ahmet dat hy nie haar hart gaan verower deur haar familie te paai nie.

Woensdag, 14 Februarie

Emre konfronteer Zeynep omdat sy en Nefise hom nooit ingelig het oor die trouplanne nie.  Azime terroriseer vir Tugba.  

Donderdag, 15 Februarie

Onur voer vir Zeynep weg en wys vir haar ’n ander soort lewe. Tugba slaag daarin om Muzaffer en Nefise se aand weg kort te knip. 


Moederhart word van Maandag tot Donderdag om 17:30 op kykNET&kie (DStv-kanaal 145) en DStv Stream uitgesaai.

Skerpioen

Maandag, 12 Februarie

Aras vertel vir Duru hy weet Can is sy seun. Ahmet stuur Efe om Aysem te beskerm teen haar kliënt se gewelddadige man.  

Dinsdag, 13 Februarie

Perihan word verdink van Hakan se moord en moet ’n tronksel met Ferda deel. Aras neem baba Can na sy huis toe sonder Duru se medewete. 

Woensdag, 14 Februarie

Met Perihan in die tronk moet ’n nuwe voorsitter van die direksie gekies word. Merve probeer om vir Efe te kry om ’n verklaring teen Ahmet af te lê.

Donderdag, 15 Februarie

Ahmet word verkies as die voorsitter van die raad. Sahin vertel die polisie dat hy betrokke was by Hakan se dood.


Skerpioen word van Maandag tot Donderdag om 20:00 op kykNET&kie (DStv-kanaal 145) en DStv Stream uitgesaai.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

15

Van ‘Bridgerton’ tot ‘Shaka iLembe’: 15+ periodedramas om nou te kyk

Van die Shelby-broers se bloederige vuiste in ‘Peaky Blinders’ tot dáái koetstoneel in die derde seisoen van ‘Bridgerton’. Hier is ons keur van die beste periodedramas wat jy tans kan stroom. 

Meer
18

Wat om te kyk: 18+ epiese boeke wat in TV-reekse omskep is

Soveel boeiende boeke wat omskep is in soveel skitterende TV-reekse. Hier is ons keur van dié reekse wat jou gaan bekoor, inspireer en ontroer.

Meer

Redakteurskeuse vir Junie 2024: Grootse ‘House of the Dragon’ keer terug, Federer se finale dae, Celine Dion se stryd, en nog

Wat om te kyk: Roerende dokkies oor Celine Dion en Roger Federer, die tweede seisoen van die epiese 'House of the Dragon' en deel twee van 'Bridgerton' se derde seisoen tel onder my keur van TV-vermaak vir vandeesmaand se redakteurskeuse.

Meer

Jou ‘Diepe Waters’-gids vir Junie 2024

Daar is ’n skokkende voorval by die swemklub, Zelda is ongelukkig en ’n onwelkome gas verskyn op Sanet se drumpel. Dít en nog meer is waarna 'Diepe Waters'-kykers in Junie kan uitsien. Hier is ons handige kykgids.

Meer
Sien alle opsies