Wyfie oor ʼn groep universiteitsvriendinne, speel af by die Pantera-koshuis van die denkbeeldige Eike-universiteit.
Die tweede aflewering van Wyfie word tans op Showmax vrygestel. Daar is elke Dinsdag twee nuwe episodes beskikbaar. Hier is wat jy vandeesmaand op dié universiteitsdrama kan verwag.
Dinsdag, 1 Oktober
Reëls moet gebreek word
Amanda bedien vir Maggie ’n drankie en besef sy is die perfekte pasmaat vir Shay. Delmari en Kyla gaan proe wyn, maar dinge loop skeef.
Wie gee om oor omgee
Shay besef dat daar ’n versteekte rede is agter Amanda se skielike begeerte om hul vriendskap te beklemtoon.
Dinsdag, 8 Oktober
Twee
Maggie en Shay nooi hul naaste vriende om hul eerste ete as ’n paartjie te vier. Met groot persoonlikhede en geheime wat na die oppervlak borrel, sal die aand ’n sukses wees?
Dag in die lewe van
Maggie word per ongeluk in Die Grot wakker en kry ’n kykie in die lewe van ’n student wanneer sy saam met Amanda dagdronk raak.
Dinsdag, 15 Oktober
Alexa, Grow the #%$@ uo
Om met ‘n ouer vrou uit te gaan terwyl jy nog ’n student is, het baie voordele. Shay begin wonder of studentelewe nog vir haar is.
Nothing breaks like a heart
Die spanning loop hoog wanneer Kyla met Delmari opbreek, en Delmari haar met selfdood dreig.
Dinsdag, 22 Oktober
Bus is vol
Mia eindig alleen op in ’n bus vol studente wat op pad is na Intervarsity. Gelukkig hou Simeon haar geselskap en André raak verlief op die Otters se koshuisdogter.
Domestic as fu*k
Jocelyn en Delmari neem wraak op Kyla. Amanda raak ’n derde wiel in Simeon en Mia se weddenskap. Shay besef Maggie vorm haar onbewustelik in die perfekte huisvrou.
Dinsdag, 29 Oktober
Keuses
Kyla kom voor een van die grootse keuses van haar lewe te staan. Amanda bespreek Simeon met Daniel en Shay sukkel om te aanvaar dat Maggie haar as ’n gelyke sien.
