Wat om te kyk op TV en aanlyn te stroom hierdie week – hier is ons top-keuses vir 15 tot 21 Januarie 2024.
Neem asseblief kennis dat datums en titels moontlik kan verander.
Die Byl S5
Vanaf Dinsdag, 16 Januarie 2024, om 20:00 op kykNET (DStv-kanaal 144). Ook op DStv Stream en Catch Up beskikbaar.
Ons gunsteling-speurder is terug op sy pos in die vyfde seisoen van Die Byl. Waldemar Schultz hou vol met sy geïnspireerde vertolking van Piet van der Bijl, wat steeds genadeloos jag maak op die land se boosaardigste reeksmoordenaars.
Byl se spanmaats en steunpilare – Juan (Marvin-Lee Beukes), Nicki (Milan Murray) en Lena (Lika Berning) – is steeds aan sy sy, maar daar is ook nuwe sleutelkarakters wat tot die storie toetree. Die sluipskutter Jo Verwey (Amalia Uys) konsulteer nou as wapendeskundige, terwyl kapt. William Miller (Tyrone Keogh) die span se nuwe profiler is. Dr. Anton Fourie (Marcel van Heerden) is die nuwe patoloog wat by die span aansluit.
Nog oor ‘Die Byl’
Weeklikse episodes op Maandae om 20:00 op M-Net en DStv Stream (kanaal 101).
Soos Glamour se resensie dit stel: “The Gilded Age is soos Downton Abbey – net beter.”
Die eerste seisoen se vertelling begin in 1882 as ’n jong Marian Brook (Louisa Jacobson) ná die dood van haar pa van die plattelandse Pennsylvania na Manhattan verhuis. Sy trek in by haar tantes Agnes van Rhijn (Christine Baranski van The Good Fight) en Ada Brook (Cynthia Nixon van Sex and the City). Jip, dis ’n powerhouse rolverdeling!
Maar dan raak Marian per ongeluk gewikkel in ’n sosiale oorlog tussen haar tantes en hul nuwe, baie ryk bure, ’n meedoënlose spoorwegmagnaat George Russell (Morgan Spector, Homeland) en sy ambisieuse vrou, Bertha (Carrie Coon van Fargo).
Die reeks se tweede seisoen het ’n punt van 93% op Rotten Tomatoes en word wyd beskou as een van 2023 se beste TV-reekse met veral Nixon en Baranski wat met uithalerspel die kyker betower. Daarmee saam is die skryfwerk heerlik melodramaties, met die skepper Julian Fellowes (ook die man agter Downton Abbey) wat ’n spesiale tipe grandeur in elke episode vestig.
Lees ook André-Pierre du Plessis se resensie van die eerste seisoen.
Reyka S2
Weeklikse episodes op Donderdae om 20:00 op M-Net en DStv Stream (kanaal 101).
In die tweede seisoen van die plaaslike misdaaddrama is die briljante profiler Reyka Gama (Kim Engelbrecht) op die spoor van ’n moordenaar wat paartjies by ’n uitkykpunt langs die kus teiken. Intussen spook haar verlede steeds by haar. Angus Speelman (Iain Glen, Game of Thrones), die Skotse boer wat haar as jong kind ontvoer het, is nou in ’n instelling vir seksoortreders. Reyka sukkel egter steeds om tot verhaal te kom en haar trauma te verwerk.
LOL: Last One Laughing Ireland S1
Vanaf 19 Januarie 2024 beskikbaar op Prime Video.
As jy ’n aanhanger van The Graham Norton Show is, sal jy dié een ook geniet, danksy aanbieder Graham Norton se heerlike en lawwe humorsin. In dié reeks, kom tien van Ierland se bekendste komediante byeen om mekaar te laat lag. Die kinkel? Almal probeer om hul lag solank as moontlik te hou, want die een wat laaste begin lag, wen geld vir liefdadigheid.
Klink makliker gesê as gedaan: hoe lank kan jy immers uithou as iemand jou begin kielie?
Reeds beskikbaar om te stroom:
Role Play, Prime Video
Good Grief, Netflix
Time S2, weeklikse episodes op Vrydae om 21:00 op M-Net en DStv Stream (kanaal 101).
Call me Cat S3, weeklikse episodes op Vrydae om 18:30 op M-Net en DStv Stream (kanaal 101).
Criminal Record, Apple TV
James May: Our Man in India S3, Prime Video
Foe, Prime Video
Fool Me Once, Netflix
You Are What You Eat: A Twin Experiment, Netflix
Bitconned, Netflix
The Brothers Sun, Netflix
Society of the Snow, Netflix
Gyeongseong Creature Part 2, Netflix
The Trust: A Game of Greed, Netflix
Break Point: S2, Netflix
Boy Swallows Universe, Netflix
Champion, Netflix
Sonic Prime Chapter 3, Netflix
Love is Blind: Sweden, Netflix
Lift, Netflix
Ook nuut vanaf vandeesweek:
Vanaf 15 Januarie 2024:
maboroshi, Netflix
Vanaf 17 Januarie 2024:
End of the Line, Netflix
Vanaf 18 Januarie 2024:
Rachid Badouri: Les fleurs du tapis, Netflix
Vanaf 19 Januarie 2024:
Hazbin Hotel S1, Prime Video
Love on the Spectrum U.S. S2, Netflix
Soon Comes Night, Netflix
Sixty Minutes, Netflix
Mi soledad tiene alas, Netflix
Vanaf 20 Januarie 2024:
Captivating the King, Netflix
Kry Netflix met DStv
DStv-intekenare kan met die nuwe Explora Ultra toegang tot Netflix kry. Kry dit nou →
