Wie is Zenzi Mwale? Is sy bloot ’n skoonmaker soos sy voorgee? Of steek sy iets weg? Dié vraag is spil waarom die intrige in Netflix se nuwe plaaslike rillerreeks, Unseen, draai.
Uit die nuwe lokprent vir dié reeks, blyk geraamtes, geheime en gevaar aan die orde van die dag te wees. Dat kinkels volop is, is te verwagte – Unseen is immers deur Gambit Films vervaardig. Dít is dieselfde span wat die gewilde plaaslike drama Blood & Water met sy etlike slenterslae gemaak het.
In die hoofrol as Zenzi is Gail Mabalane (Blood & Water, Indemnity). Die storie volg Zenzi – oënskynlik ’n onbelangrike, alledaagse skoonmaker – as sy teen dodelik gevaarlike misdadigers te staan kom terwyl sy na haar vermiste man soek. Dis in haar desperaatheid wat ons dan kan sien sy is glad nie so bedees soos sy aanvanklik voorkom nie.
Die rolverdeling maak ’n indrukwekkende ensemble uit en sluit onder andere Waldemar Schultz (Die Byl), Brendon Daniels (Fraksie, Skemerdans), Ilse Klink (Nêrens, Noord-Kaap), Shimmy Isaacs (Arendsvlei), Colin Moss (Fried Barry), Abduragman Adams (Suidooster, Indemnity), Hein de Vries (My Beskermer), Shamilla Ismail Miller (Blood & Water) in.
Unseen is vanaf 29 Maart 2023 op Netflix beskikbaar om te stroom.
Kyk ook dié soortgelyke reekse op Showmax:
Kry Netflix met DStv
DStv-intekenare kan met die nuwe Explora Ultra toegang tot Netflix kry. Kry dit nou →
