Die SAFTA-benoemde Arendsvlei is ’n meesleurende telenovella wat draai om die leerders, hul ouers, en die onderwysers van die Hoërskool Arendsvlei op die Kaapse Vlakte.
Dit gee ’n blik op die wêreld van tieners met storielyne wat wissel van groepsdruk, seks en dwelms, tot druk om te presteer, in te pas, maar ook om getrou aan hulself te bly. Dan is daar natuurlik ook die volwasse garde se sagas – ’n bietjie moord hier, ’n affair of wat daar – en saam is dié kombinasie uiters boeiende kykstof.
Die rolverdeling sluit in veteraan-sepiester Ilse Klink (Nêrens, Noord-Kaap), Carmen Maarman (Lui maar op, Belinda) en Jolene Martin (Fishy Fêshuns). Die eerste drie seisoene is nou op Showmax. Kyk dit ook op kykNET & kie op DStv of DStv Online.
