’n Neo-noir moordraaisel speel af op die Kaapse Vlakte in die Oasis Jazz Club, die middelpunt van ’n magstryd tussen twee broers, ’n weduwee en ’n misdaadsindikaat.
SAFTA-wenners Kevin Smith (Arendsvlei), Ilse Klinch (Stroomop) en Brendon Daniels (Sara se Geheim) lei die sterbelaaide rolverdeling wat ook Trudy van Rooy (Die Byl, Sara se Geheim), Vinette Ebrahim (7de Laan) en Bongo Mbutuma (Die Spreeus) insluit. Skemerdans is ook een van die ontslape Ceagan Arendse (Suidooster) wat in Februarie 2021 oorlede is, se laaste rolle.
Amy Jephta is die reeks, wat by die legendariese Club Galaxy in Rylands en in Voortrekkerweg verfilm is, se showrunner.
Skemerdans ontvou oor 13 episodes met Kaapse jazz en die stad se ewe eiesoortige Engels-Afrikaans-geselstaal. Kyk dit nou op Showmax.
