Menu terloops
In Wat om te kyk [26 Mei 2022]

Kyk nou: Eerste lokprent vir ‘Pulse’, Showmax se nuwe gruwelreeks


In ‘Pulse’, Showmax se nuwe gruwelreeks, is oorlewing allesbehalwe ’n speletjie…

Kyk nou: Eerste lokprent vir ‘Pulse’, Showmax se nuwe gruwelreeks
Kyk lokprent

Oorlewing is allesbehalwe ’n speletjie as ’n groep videospeletjieskeppers deur elektromagnetiese strale getref word en binne hul eie game in ’n stryd tussen lewe en dood vasgevang word.

Dís die premis van Showmax se nuwe gruwelreeks, Pulse, wat vanaf 23 Junie op dié platform gestroom kan word. Dis nie Showmax se eerste foray in die wêreld van gril en ril nie. 

Pulse, wat oor ses episodes strek, volg ook op die sukses van gruwelstories soos DAM, Skemerdans Fried Barry en Gaia, asook Glasshouse. Laasgenoemde is wyd geloof vir veral tematiese diepte, slim vertellingstegnieke, en uitmuntende spel. (Lees Riëtte van der Wat se resensie van Glasshouse hier.)

Die reeks is in Suid-Afrika en Mauritius geskiet en die internasionale groep videospeletjieskeppers word deur ’n talentvolle rolverdeling vertolk. Onder dié akteurs tel SAFTA-wenner Tarryn Wyngaard, bekend vir haar werk op DAM en Dwaalster. Sy speel Jaz, die skepper van ’n indie-trefferspeletjie. Thapelo Mokoena (Trackers, Bulletproof) speel Jaz se eks. 

Onder die ander akteurs tel Sven Ruygrok (Spud se Rambo) en tweemalige Silwerskermfeeswenner Carel Nel (Gaia, Rage, Raised by Wolves). Kameerolle word deur die veelbekroonde Albert Pretorius (Nêrens, Noord-Kaap), Laré Birk (Dominee Tienie, Vir Altyd), asook toneelspellegende Frank Opperman (Dominee Tienie, Nêrens, Noord-Kaap) gelewer.

Regie is deur die veelbekroonde Sallas de Jager (Dominee Tienie). Die Emmy-wenner Steve Lanning, is die reeks se vervaardiger. Die draaiboek is deur Stephen Clarke behartig. 

Dit lyk sommer blerrie lekker…

Maar as ’n mens so kyk na die lokprent, blyk dit daar is ’n visuele fees wat op kykers wag namate die spanning bou en die storie al… freakier word. Hiervoor is produksie-ontwerper Waldemar Coetsee (Toorbos) en die visioenêre VFX-span van Laurent-Paul Robert (Harry Potter, The Dark Knight Rises) en Hilton Treves (Tomb Raider, Blood Psalms) te danke. 

Pulse is ’n internasionale ko-produksie tussen Media Musketeers, die Britse ForLan Films en Red Mirror in Suid-Afrika. Dit is saam met CANAL+ en The MediaPro Studio vervaardig. Pulse is die derde ko-produksie tussen Showmax en CANAL+. Hulle werk reeds saam aan Crime and Justice en Blood Psalms, wat later vanjaar op Showmax premiere. 

Vanaf 23 Junie op Showmax.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

Wat om te kyk: ‘The Whale’, ‘No Hard Feelings’, ‘Lover, Stalker, Killer’ (ril!) en meer

Dié week se TV-gids sluit in een van die snaakste flieks van 2023, ’n ware misdaaddokkie wat jou twee keer gaan laat dink oor online dating en Brendan Fraser se Oscar-bekroonde vertolking in 'The Whale'. Lees verder vir ons keur van vandeesweek se beste keuses, aanlyn en op TV.

Meer

‘Op my eish!’ met Brendan Peyper: 9 goed wat jy ná episode 4 se wilde ompad moet weet

Ai, ná verlede week se warm soen, het ons gedink die sanger Brendan Peyper gaan vandeesweek groot moves maak. Helaas, dit was eerder sy ouma wat wat toe met "vars bloed" in die vroue se slaai kom krap het...

Meer

Redakteurskeuse vir Februarie 2024: Mode, manewales, en Messi

Wat om te kyk: ’n Besonderse dokkie oor die legendariese sokkerenigma, Lionel Messi; ’n reeks oor hoe moderne mode tydens die Tweede Wêreldoorlog gestalte gevind het; en die nuwe Showmax se propvol kykspyskaart wat ikoniese reekse soos ‘The Office’ en ‘Parks & Recreation’ insluit – hier is ons keur van TV-vermaak vir vandeesmaand se redakteurskeuse.

Meer

Wat om te kyk: Reeksmoordenaars, rugby en roerende drama

Wat om te kyk: 'Donkerbos' is uiteindelik ook beskikbaar vir DStv-kykers; skouspelagtige rugby én agter-die-skerms-drama in ’n Sesnasies-dokkie; M-Net se nuwe gesinsdrama, 'Summertide', première, en ’n epiese oorlogsdrama wag in Steven Spielberg se 'Masters of the Air'. Lees verder vir ons keur van vandeesweek se beste keuses, aanlyn en op TV.

Meer
Sien alle opsies