Glasshouse speel af nadat The Shred, ’n virus wat demensie veroorsaak, die mensdom laat rondswerf soos diere wat niks uit hul verlede kan onthou nie – nie eens wie hulle is nie.
Midde dié krisis, skuil ’n gesin in ’n lugdigte glashuis, maar as ’n vreemdeling opdaag, word hul lewens omgedolwe.
Glasshouse het verskeie vyfsterresensies en ’n punt van 89% op die resensiewebwerf Rotten Tomatoes ontvang.
Film Threat se Lorry Kitka het selfs die fliek as haar “gunsteling film van die jaar tot dusver” vir 2021 uitgesonder.
Glasshouse is die eerste van ’n driedelige post-apokaliptiese verhaal wat deur Showmax met Local Motion Pictures, en in samewerking met Crave Pictures, vervaardig is.
Onder die rolverdeling tel die plaaslike sterre Anja Taljaard (Double Echo), Hilton Pelser (Moffie, The Kissing Booth) en die Britse akteur en model Jessica Alexander.
