Menu terloops
In Wat om te kyk [20 Apr 2022]

Kyk nou: Eerste lokprent vir ‘Dinge van ’n Kind’


Eers ’n boeiende boek, toe ’n roerende toneelstuk. Nou vind Marita van der Vyver se ‘Dinge van ’n Kind’ gestalte as ’n TV-reeks wat vanaf 10 Mei op kykNET uitgesaai word.

Kyk nou: Eerste lokprent vir ‘Dinge van ’n Kind’
Kyk lokprent

In die eerste lokprent vir die TV-vertelling van Mart Vermaak se gedaantewisseling van kind tot vrou in Die Dinge van ’n kind, blyk die storie ook in dié formaat te roer.

Die reeks van tien episodes is gegrond op Marita van der Vyver se gelyknamige roman. In die roman het lesers vir Mart as tiener, sowel as ’n volwasse vrou in haar dertigs as ’n expat in Londen leer ken. In die TV-reeks ontmoet kykers egter ook ’n heelwat ouer Mart wat haar weer in Suid-Afrika gevestig het.

Terwyl die boek in twee tydvakke afspeel – teen die politiese agtergrond van die ontstuimige 1970’s en die vroeë 1990’s – is daar vir die TV-weergawe ’n deel bygewerk wat in die hede afspeel. Daar is dus drie aktrises wat die rol van Mart deur die jare speel.

Melissa, Cintaine en Susanne – Mart deur die jare

In die rol van jong Mart is Melissa Myburgh. Cintaine Schutte is Mart in die 1990’s. Susanne Beyers is hededaagse Mart. Melissa was al te sien in Kompleks en die TV-film Laastes. Cintaine (FynskrifEkstra Medium) het mees onlangs die rol van Mart in die verhoogsproduksie van Die Dinge van ’n kind gespeel. Susanne is op haar beurt ’n veteraan van die verhoog, TV, radio en film. 

Susanne Beyers as Mart in Dinge vir 'n kind op kykNET.
Susanne Beyers as Mart in Dinge van ’n Kind, eersdaags op kykNET. Foto: Verskaf

In die tonele wat in die 1970’s afspeel, is Mienke Ehlers te sien as Mart se skoolvriendin Dalena, met Augusta Zietsman wat die rol van Suna speel. Jana Kruger en André Weideman is Marlene en Karel, Mart se ouers. Andahr Cotton (Simon), Méla Swanepoel (Liefie) en Wesley Smit (Neil) is haar sibbe.

Van die ander spelers in die 1970’s-tonele sluit in Ben Albertyn as Pierre en Deànré Reiners as Hein. Ook te sien, is bekendes soos Stian Bam, Amalia Uys, Lizz Meiring, Martelize Kolver en Sandra Vaughn. 

In die 1990’s is Wilhelm van der Walt te sien as die ouer Simon.

Van die akteurs wat in die hedendaagse tonele te sien is, sluit in Ludwig Binge, Zenobia Kloppers en Quanita Adams.

Die regisseurs van die reeks is Quentin Krog, Zandré Coetzer en Tinarie van Wyk-Loots. Elanie Rupping en Henriëtta Gryffenberg was vir die draaiboek verantwoordelik. Die reeks is deur Nagvlug Films (Wonderlus, Nêrens, Noord-Kaap) vervaardig.

Dinge van ’n kind begin op Dinsdag 10 Mei om 20:00 op kykNET (DStv-kanaal 144) en DStv Online.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

15

Van ‘Bridgerton’ tot ‘Shaka iLembe’: 15+ periodedramas om nou te kyk

Van die Shelby-broers se bloederige vuiste in ‘Peaky Blinders’ tot dáái koetstoneel in die derde seisoen van ‘Bridgerton’. Hier is ons keur van die beste periodedramas wat jy tans kan stroom. 

Meer
18

Wat om te kyk: 18+ epiese boeke wat in TV-reekse omskep is

Soveel boeiende boeke wat omskep is in soveel skitterende TV-reekse. Hier is ons keur van dié reekse wat jou gaan bekoor, inspireer en ontroer.

Meer

Redakteurskeuse vir Junie 2024: Grootse ‘House of the Dragon’ keer terug, Federer se finale dae, Celine Dion se stryd, en nog

Wat om te kyk: Roerende dokkies oor Celine Dion en Roger Federer, die tweede seisoen van die epiese 'House of the Dragon' en deel twee van 'Bridgerton' se derde seisoen tel onder my keur van TV-vermaak vir vandeesmaand se redakteurskeuse.

Meer

Jou ‘Diepe Waters’-gids vir Junie 2024

Daar is ’n skokkende voorval by die swemklub, Zelda is ongelukkig en ’n onwelkome gas verskyn op Sanet se drumpel. Dít en nog meer is waarna 'Diepe Waters'-kykers in Junie kan uitsien. Hier is ons handige kykgids.

Meer
Sien alle opsies