Menu terloops
In Wat om te kyk [28 Sep 2021]

Kompleks S1


Twee tieners ontmoet en alles verander in Kompleks, ’n coming of age-storie in die klassieke styl van reekse uit die 90’s soos Dawson’s Creek.

Kyk nou

Kompleks S1
Kyk lokprent

Kompleks is ’n eiesoortige dramareeks uit die pen van Louis Pretorius. 

“Dis ’n ligte drama en ’n coming of age-storie in die klassieke styl van reekse uit die 90’s soos Dawson’s Creek en My So-Called life,” sê Pretorius, wat saam met Albert Snyman ook reekse soos Die Boekklub en Fynskrif geskep het. 

Kompleks het ’n veelvlakkige storielyn wat in twee verskillende werelde afspeel: In die een is Sean en Mika (gespeel deur Arthur Falko en Melissa Myburgh) alleen by die huis. Sean se ouers, gespeel deur Milan Murray en Stian Bam, leef in stilte, terwyl Mika se ouers (Therese Bam en Paul du Toit) op skei staan. As die twee tieners ontmoet, verander alles. 

In ’n ander wereld, soortgelyk aan die eerste een maar tog anders, is Sean en Mika heelwat ouer. Sean (Armand Aucamp) is ’n aktuaris. Mika (Roeline Daneel) is ’n weduwee met ’n dogter. Dan ontmoet Sean vir Belinda (Greta Pietersen) en Mika vir Tristan (Ivan Botha). Albei oorweeg dit om die liefde nog ’n kans te gee, maar in hul agterkoppe is ’n wintervakansie van baie jare gelede en ’n vergete vriendskap. Hierdie is ’n storie vir almal wat al hul hart verloor het. Kyk nou op Showmax.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

kykNET se nuwe mini-dramareeks is ’n verhaal van verlies, vergifnis en hoop

Twee mans se paaie kruis in ’n ondersteuningsgroep ná die verlies van geliefdes. kykNET se 'Elke donker wolk' verken hoe ’n onverwagse vriendskap ruimte skep vir vergifnis, genesing en hoop.

Meer

Rubriek: Gaan griffel in Ouma se resepteboek! ‘Kokkedoor: Klassiek’ is terug! 

Ná ’n voorskou van die eerste episode laat 'Kokkedoor: Klassiek' vir Marteni Burger verlang na haar ouma se resepte én sien sy uit na nog skeppies nostalgie - met ’n knippie kombuisdrama en verrassende kinkels daarby.

Meer

Van die veld tot die kelder – kuier dié November saam met VIA

Van wildplase en wynkelders tot huise met karakter: VIA se November-aanbod beloof vars ontdekkings. Kuier saam met Shari Kennedy, Leandie du Randt, Frank Rautenbach en JP Quickelberge, en leer ken die mense, stories en plekke wat Suid-Afrika so besonders maak.

Meer

Chanél Muller oor ‘Sy, die meeue en die Heilige Gees’

"Enige persoon se geloofsreis is ’n baie persoonlike reis, en dit gebeur alles baie innerlik", sê Chanel Muller, die skrywer, regisseur en vervaardiger van die kykNET-reeks 'Sy, die meeue en die Heilige Gees'.

Meer
Sien alle opsies