Pulse is Showmax se nuwe gruwelreeks wat oor ses episodes strek.
Dit kan vanaf 23 Junie op Showmax gestroom word.
In Pulse is oorlewing allesbehalwe ’n speletjie as ’n groep videospeletjieskeppers deur elektromagnetiese strale getref word en binne hul eie game in ’n stryd tussen lewe en dood vasgevang word.
Onder die akteurs in die rolverdeling tel SAFTA-wenner Tarryn Wyngaard, bekend vir haar werk op DAM. Sy speel Jaz, die skepper van ’n indie-trefferspeletjie. Thapelo Mokoena (Trackers) speel Jaz se eks.
Ander spelers sluit in Sven Ruygrok en Carel Nel met kameerolle deur onder andere die veelbekroonde Albert Pretorius (Nêrens, Noord-Kaap), en veteraanakteur Frank Opperman (Dominee Tienie, Nêrens, Noord-Kaap).
Showmax is nie bang vir die wêreld van gril en ril nie. Ander oorspronklike gruwelreekse wat deur dié platform geskep is, sluit in Glasshouse en Fried Barry. Dan is daar natuurlik ook die angsaanjaende dokkie, Devilsdorp.
