Wyfie oor ʼn groep universiteitsvriendinne, speel af by die Pantera-koshuis van die denkbeeldige Eike-universiteit.
Die tweede aflewering van Wyfie word tans op Showmax vrygestel. Daar is elke Dinsdag twee nuwe episodes beskikbaar. Hier is wat jy vandeesmaand op dié universiteitsdrama kan verwag.
Dinsdag, 3 Desember
Baby Daddy Deel 1
In ’n poging om ’n versoek van Daniël te ontduik, reël Amanda ’n Grot-fliekaand. Mia word gedwing om eerlik oor haar optrede te wees.
Baby Daddy Deel 1
Die Otters ondersteun Amanda om die waarheid te konfronteer, al die dreig die web van leuens om haar in te sluk.
Dinsdag, 10 Desember
Waar daar ’n rokie is
Daar ontstaan ’n brand in Iemand se kamer en die koshuis moet ontruim. Midde dié chaos, kom Mia tot Jessie se redding en Amanda is dankbaar vir die afleiding.
Geen fenikse hier nie
In die nadraai van die brand, probeer Jessie haar geheim hou. Mia is steeds op die oorlogpad met die Otters en Natasha beraam ’n gevaarlike plan.
Dinsdag, 17 Desember
Eilande
Die HK word geskors, Natasha trek uit, Shay is siek, Amanda is eensaam, Kyla word amper uitgevang vir kroekery en Mia besef sy is tog lief vir die koshuis.
Die engel
Shay word in die hospitaal wakker. Sy deel ’n kamer deel met die regte Barbara Kannemeyer, wat haar nuwe perspektief gee.
Dinsdag, 24 Desember
Een week later
Kyla loop haar vas in die nagevolge van haar optrede. Amanda sukkel om vrede te maak met Mia. Shay herstel nadat sy met Maggie opgebreek het.
Warm water
Die Otters gaan laai vir Kyla af nadat sy geskors word, maar hulle besef hoe diep in die moeilikheid Kyla regtig is.
Dinsdag, 31 Desember
Keeping it classy
Dis Jessie se eerste huisdans, en André is haar date, wat natuurlik die Otters vreeslik oorbeskermend maak. Daniel konfronteer vir Simeon by die huisdans.
Die pandemie
Daar breek ’n siekte in die koshuis voor die groot sêr-uitdunne uit. Mia neuk haar eerste werkie as HK op. Amanda en Shay kom tot haar redding.
