Menu terloops
In Wat om te kyk [27 Mei 2024]

‘Wyfie’: Jou kykgids vir Junie 2024


Shay leer die waarheid oor haar pa terwyl Natasha slinkse planne het. Hier is wat jy vandeesmaand op die Afrikaanse universiteitsdrama, ‘Wyfie’, kan verwag.

Stroom 'Wyfie' aanlyn

‘Wyfie’: Jou kykgids vir Junie 2024

Wyfie oor ʼn groep universiteitsvriendinne, speel af by die Pantera-koshuis van die denkbeeldige Eike-universiteit. Dubbelepisodes word elke Dinsdag op Showmax beskikbaar gestel om te stroom. Hier is wat jy vandeesmaand op dié universiteitsdrama kan verwag.

Dinsdag, 4 Junie 2024

“Effing Ermelo”

Thando reël ’n verrassing vir Mia in ’n hotekamer. Maar is dit meer as wat Mia kan hanteer? Of is dit presies wat sy nodig het?

“Kill your darlings”

Die hele kampus maak gereed vir ’n groot kulturele geleentheid. Soos wat Shay in haar skryftalent delf, ontdek sy ’n teer waarheid rakende haar verhouding. 

Wyfie
Beáta Bena Green vertolk die rol van Shay in Wyfie. Foto: Verskaf

Dinsdag, 11 Junie 2024

“Die warmste dag van die jaar”

Dis die warmste dag van die jaar, en die spanning loop hoog langs die universiteitswembad. Daniel, Hanco en Simeon probeer om hul hoogs plofbare ego’s in toom te hou.

“Dors”

Leo Manskoshuis hou hul jaarlikse Dors-dag en Daniel is vasberade om dit die beste een nóg te maak. ’n Oorgretige Hanco wurm hom in by die tradisie wat lelik skeefloop.

Dinsdag, 18 Junie 2024

“Verwagtinge”

Dis die dag van Ragel se groot boekbekendstelling. Tussen die intellektuele elite van Eikestad raak Shay so bietjie weg en Neo staan uit. Shay en Ragel eindig in die spervuur op. 

“Mandla, 1996”

In ’n terugflits-episode na Londen in die laat negentigs, leer Shay haar ma en pa as studente ken. Sy vind die waarheid uit oor waarom haar pa nie in Suid-Afrika gebly het nie.

Dinsdag, 25 Junie 2024

“Vreet en vergeet”

Wilmien veg teen sabotasie terwyl sy ’n reünie probeer reël – net om te besef dat haar pogings deur Natasha se slinkse planne verydel word. Kyla se oë dwaal.

WYFIE
Marguerite van Eeden as Wilmien. Foto: Verskaf

“Wildemien”

Wilmien se dae is getel terwyl Mia haar hoërskooldae met Wilmien herroep. Dinge raak moeilik tussen Daniel en Hanco wanneer Baksteen kompeteer vir die posisie van beste vriend.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

15

Van ‘Bridgerton’ tot ‘Shaka iLembe’: 15+ periodedramas om nou te kyk

Van die Shelby-broers se bloederige vuiste in ‘Peaky Blinders’ tot dáái koetstoneel in die derde seisoen van ‘Bridgerton’. Hier is ons keur van die beste periodedramas wat jy tans kan stroom. 

Meer
18

Wat om te kyk: 18+ epiese boeke wat in TV-reekse omskep is

Soveel boeiende boeke wat omskep is in soveel skitterende TV-reekse. Hier is ons keur van dié reekse wat jou gaan bekoor, inspireer en ontroer.

Meer

Redakteurskeuse vir Junie 2024: Grootse ‘House of the Dragon’ keer terug, Federer se finale dae, Celine Dion se stryd, en nog

Wat om te kyk: Roerende dokkies oor Celine Dion en Roger Federer, die tweede seisoen van die epiese 'House of the Dragon' en deel twee van 'Bridgerton' se derde seisoen tel onder my keur van TV-vermaak vir vandeesmaand se redakteurskeuse.

Meer

Jou ‘Diepe Waters’-gids vir Junie 2024

Daar is ’n skokkende voorval by die swemklub, Zelda is ongelukkig en ’n onwelkome gas verskyn op Sanet se drumpel. Dít en nog meer is waarna 'Diepe Waters'-kykers in Junie kan uitsien. Hier is ons handige kykgids.

Meer
Sien alle opsies