Menu terloops
In Wat om te kyk [8 Mei 2023]

Wat om te kyk: Nuut op TV vanaf 8-14 Mei 2023


Wat om te kyk: Die Michael J. Fox-dokkie, ‘Still’; ‘Projek Dina’ se derde seisoen; en ‘City on Fire’ tel onder ons top-keuses om vandeesweek (8-14 Mei 2023) te kyk.

Wat om te kyk: Nuut op TV vanaf 8-14 Mei 2023

Wat om hierdie week op TV te kyk en aanlyn te stroom – hier is ons top-keuses vir die week 8 tot 14 Mei 2023.

Neem asseblief kennis dat datums en titels moontlik kan verander.

Still: Michael J. Fox

Vanaf 12 Mei 2023 op Apple TV+.

Michael J. Fox, bekend vir sy rolle in onder meer die Back to the Future-flieks, Family Ties, en Spin City, vertel hier sy buitengewone verhaal in sy eie woorde.Dié dokumentêre prent maak gebruik van fantastiese argiefmateriaal, en vermeng dokkiestyl met scripted elemente. Dié vertelling – wat strek vanaf sy grootwordjare in Kanada, sy roem in die 1980s, sy Parkinsons-diagnose op die ouderdom van 29 en sy lewe nou – is vol nostalgiese hoogtepunte. Dis ’n intieme blik, en daar heers ’n kwesbare eerlikheid in die prent se toon danksy die oopheid waarmee Fox en sy gesin die film se skepping hanteer. Só leer ons dan meer oor sy persoonlike en professionele oorwinnings en mislukkings. Still is snaaks en optimisties (nes hy self), maar ook respekvol in hoe dit die somber realiteit dat Fox se siekte ongeneeslik is, uitbeeld. 

City on Fire S1

Vanaf 12 Mei 2023 op Apple TV+.

In City on Fire word ’n student in New York in Central Park geskiet. As Samantha se lyk gevind word, is daar geen getuies en min fisieke bewysstukke wat beteken die saak gaan moeilik wees om op te los. Dan word kinkels wat die ondersoek verder belemmer, ontbloot: Dit blyk Samantha is die gemene deler wat ’n reeks brande in die stad, die downtown-musiektoneel, en ’n welgestelde uptown-gesin wat wemel van die geheime, met mekaar verbind. Met Jemima Kirke, Nico Tortorella en Chase Sui Wonders in die rolverdeling. 

Projek Dina S3

Vanaf 9 Mei 2023 om 20:00 op kykNET (DStv-kanaal 144 en DStv Online). Dié seisoen het Engelse onderskrifte en sal ook op DStv CatchUp beskikbaar wees. Die eerste twee seisoene is op Showmax beskikbaar om te stroom. 

Die sanger en akteur Laudo Liebenberg maak sy buiging in dié Afrikaanse dramareeks se derde seisoen as ene Zander, die nuwe hoof van die Projek Dina-taakspan om vermiste persone op te spoor. Zander is ou vriende met Deon (Tim Theron) en neem sy plek in as taakspanleier as Deon oorsee met ’n saak moet bystaan. Zander is – nes Ronel (Chanelle de Jager) – haas obsessief oor sy werk. Maar waar sy emosioneel betrokke raak en empaties optree, is haar nuwe baas berekend, selfs kil, in sy gedrag.

Die eerste seisoen het oorhoofs om Ronel se soektog na haar tweelingsuster, Dina, gedraai. Die tweede seisoen het twee jaar later hervat en Ronel het uiteindelik vir Dina opgespoor.

Lux (Chumani Pan) en Charlie (Kay Smith) is ook weer op hul pos – en ook in ’n verhouding…

Cold Blood: The Murder Cases of Mike Bolhuis

Weeklikse episodes vanaf Donderdag, 11 Mei 2023, om 22:00 op M-Net (DStv-kanaal 101 en DStv Online). Ook op DStv Catch Up beskikbaar. 

M-Net se nuwe driedelige dokumentêre reeks gee ’n aangrypende, agter-die-skerms-blik op Suid-Afrika se beroemdste privaatspeurder, Mike Bolhuis, se ondersoek na die wrede moord op ’n ma van drie. Die aanbieder en TV-skepper Rian van Heerden se vervaardigingsmaatskappy, Provoco (Sex in Afrikaans), lei hierdie vertelling. 

Dele van Botes se liggaam is in 2021 in die Vaalrivier gevind, enkele dae nadat sy as vermis aangemeld is. Maar twee jaar ná Yolandi se dood is haar moordenaars steeds nie gevind nie. Die drie episodes van Cold Blood: The Violent Crime Cases of Mike Bolhuis volg Bolhuis se meedoënlose soeke na antwoorde in dié onopgeloste, hartverskeurende saak.

Ook nuut vandeesweek: 

  • Witness Number 3 S1
    Weeklikse episodes vanaf Dinsdag, 9 Mei 2023, om 22:00 op M-Net (DStv-kanaal 101 en DStv Online)
  • Imibuzo S1
    Weeklikse episodes vanaf Maandag, 8 Mei 2023, om 22:00 op Showmax. 
  • Parallel Mothers
    Dié bekroonde fliek is vanaf Donderdag, 11 Mei 2023, op Showmax beskikbaar. 
  • Dinge van ’n Kind 
    Vanaf Donderdag, 11 Mei 2023, op Showmax beskikbaar. 
  • Sanditon S3
    Vanaf Donderdag, 11 Mei 2023, op BritBox. 
  • Queer Eye S7
    Vanaf Vrydag, 12 Mei 2023, op Netflix.
  • Power Book IV: Force S1
    Vanaf Vrydag, 12 Mei 2023, op Showmax. 

Kry Netflix met DStv

DStv-intekenare kan met die nuwe Explora Ultra toegang tot Netflix kry. Kry dit nou →

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

As jy hou van misdaadreekse
15

15+ van die beste spanningsbelaaide polisiereekse om nou te kyk

Wat om te kyk: Daar is heelwat ander meesleurende polisie- en misdaadreekse om te stroom – hier is ons keur van die huidige bestes.

Meer

Redakteurskeuse vir Mei 2024: Vonke spat in ‘Bridgerton’ S3, ‘Juffrou X’ boei, en nog

Wat om te kyk: Die nuwe seisoen van ‘Bridgerton’, kykNET se moet-kyk dramareeks ‘Juffrou X’ en nog twee boeke wat in TV-reekse omskep is, ‘Dark Matter’ en ‘Maxton Hall’, tel onder my keur van TV-vermaak vir vandeesmaand se redakteurskeuse.

Meer

‘Wyfie’: Jou kykgids vir Mei 2024

Amanda se troebel verlede kom onder die loep, terwyl Kyla dalk ’n bietjie te hard kuier. Hier is wat jy vandeesmaand op die Afrikaanse universiteitsdrama, 'Wyfie', kan verwag.

Meer

Jou ‘Arendsvlei’-gids vir Mei 2024

Die Vlei se mense kry hartseer nuus, verhoudings neem nuwe draaie, en Desmond sal moet pasop vir Audrey – 'Arendsvlei'-kykers kan na dít en nog meer in Mei uitsien. Hier is ons handige kykgids.

Meer
Sien alle opsies