1Magic se The River en Mzansi Magic se Gomora is onder die top-10 programme op Showmax vir die eerste deel van 2021, maar die stroomdiens het nog nooit ’n oorspronklike Showmax-telenovela gehad nie. Tot nou toe.
Die reeks is gegrond op Dudu Busani-Dube se topverkoper-boek Hlomu the Wife.
The Wife is vervaardig deur Stained Glass wat verantwoordelik was vir SAFTA-wenners soos eHostela en Uzalo, Suid-Afrika se gewildste sepie.
Die derde seisoen draai om twee star-crossed lovers. Aan die een kant is daar die Tswana-dokter Naledi Montsho, en aan die ander is die Zoeloe-taxibestuurder, Qhawe. Naledi word deur Gaisang K Noge vertolk, met Kwenzo Ngcobo as Qhawe.
“Met Naledi wat vermis word en die Zoeloe-broers se misdade nou voorbladnuus, gaan die derde en laaste seisoen van The Wife hoogdrama oplewer,” sê die reeks se hoofskrywer, Busisiwe Ntintili.
Kyk uit vir die SAFTA-wenner Wiseman Mncube wat as Mqhele by die rolverdeling aansluit. Ander nuwe gesigte in die rolverdeling sluit in Sello Motloung (Blood Psalms) as Naledi se pa, Kgosi en Mo Setumo as Tshidi, Naledi se ouer suster.
Vanaf 10 November op Showmax beskikbaar. Drie nuwe episodes word elke Donderdag vrygestel.
