Suid-Afrika se beste sepies, onder meer die hospitaaldrama Binnelanders, Getroud met Rugby met sy volop slaapkamer-intriges, en die glansryke telenovella The Queen is by die 2021 Royalty Soapie-toekeninngs vereer.
Terwyl Skeem Saam deur kykers as die gewildste sepie op TV aangewys is, het Suidooster ’n spesiale toekenning ontvang vir sosiale kohesie vir sy geloofwaardige uitbeelding van Suid-Afrika se diversiteit en die ervarings wat daarmee gepaardgaan.
Die veteraanaktrise Lillian Dube, nou 75, is vir haar lewensbydrae vereer. Dube is veral bekend vir haar rolle in Generations, Soul City, Oh Shucks…I’m Gatvol!, Fanie Fourie’s Lobola en die bekroonde fliek Cry, the Beloved Country. Meer onlangs is sy in die komediereeks Black Tax te sien.
Ten spyte van die talle benoemings wat Arendsvlei ontvang het, is dié storie, vir enige van die pryse oorgesien. Veral verrassend (en eintlik heel ondenkbaar) is dat Arendsvlei se benoemde akteurs, soos Quanita Adams en Ilse Klink, uitgemis het.
Hier is die wenners in die hoofkategorieë:
Beste paartjie op die skerm:
Zolisa Xaluva en Thembi Seete as Melusi Dlamini en Gladys Dlamini in Gomora Season 2.
Beste nuweling:
Nompumelelo Vilakazi as Sne Gwala in DiepCity
Beste jong kunstenaar
Ditebogo Ledwaba as Mbali in Generations: The Legacy
Beste akteur
Aubrey Poo as Castro Kamanga in The Estate
Beste aktrise
Lusanda Mbane as Boniswa Langa in Scandal
Beste manlike byspeler
Emmanuel Castis, Binnelanders
Beste vroulike byspeler
Elizabeth Serunye, Skeem Saam
Beste manlike villain
Vusi Kunene as Jack Mabaso in Generations: The Legacy
Beste vroulike villain
Jessica Nkosi as Thando Sebata in The Queen
Beste daaglikse televisiedrama
DiepCity
Kykers se beste akteur
Chrispen Nyathi as Charleston Ncube in DiepCity
Kykers se beste aktrise
Lebohang Mpyana as Khelina Maponya in DiepCity
Gewildste reeks
Skeem Saam
Beste produksie-ontwerp
Binnelanders
Beste regie-span
DiepCity
Beste redigeringsspan
The Queen
Beste kinematografie
Imbewu
Beste klankmeng en -redigering
Getroud met Rugby
