Menu terloops

Resident Alien S1-2

Op Showmax [Gepubliseer op 1 Jul 2022]


Syfy se ‘Resident Alien’ is wetenskapfiksie, komedie en moordraaisels alles in een. Albei seisoene is nou op Showmax.

Kyk nou

Resident Alien S1-2
Kyk lokprent

Resident Alien, vertel die verhaal van Harry, ’n wese uit die buitenste ruim gespeel deur Alan Tudyk (Rogue One, Firefly), wat op aarde land en hom dan voordoen as ’n dokter in ’n klein dorpie. Sy eintlike doel is om soveel mense moontlik dood te maak en hy begin deur onder die radar te lewe, maar dan word hy gevra om ’n moord op te los en hy besef hy gaan moet aanpas op aarde. En dan begin die moeilike vrae. Is dit die moeite werd om mense se lewens te red? En hoekom word pizza gevou voordat dit geëet word?

Resident Alien het ’n puntetoekenning van 8.2 uit 10 op IMDb en ’n 94% op Rotten Tomatoes. ’n Kritikus by die Los Angeles Times het geskryf: “Ons beweeg in Spielberg se are hier. Tudyk speel sy rol as die wese baie goed terwyl hy humor en seks onder die knie kry. Ek het geglimlag, gelag en werklik omgegee vir die karkater”.

Die reeks is ongelooflik goed ontvang deur kykers én resensente. Dis dus g’n wonder dat daar soveel opgewondenheid oor die tweede seisoen is nie. Niemand is blyer as terloops se resensent, André-Pierre du Plessis, nie. Hy beskryf die reeks as “perfekte, maklike kykgenot wat eintlik vir enigiemand bedoel is.” In sy resensie van die eerste seisoen, skryf hy: “Resident Alien is ’n unieke mengsel van komedie, drama en wetenskap-fiksie wat dit regkry om aanhangers in bykans elke demografie te vind.’

Albei seisoene van Resident Alien is nou op Showmax.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

Wat om te kyk: ‘The Whale’, ‘No Hard Feelings’, ‘Lover, Stalker, Killer’ (ril!) en meer

Dié week se TV-gids sluit in een van die snaakste flieks van 2023, ’n ware misdaaddokkie wat jou twee keer gaan laat dink oor online dating en Brendan Fraser se Oscar-bekroonde vertolking in 'The Whale'. Lees verder vir ons keur van vandeesweek se beste keuses, aanlyn en op TV.

Meer

‘Op my eish!’ met Brendan Peyper: 9 goed wat jy ná episode 4 se wilde ompad moet weet

Ai, ná verlede week se warm soen, het ons gedink die sanger Brendan Peyper gaan vandeesweek groot moves maak. Helaas, dit was eerder sy ouma wat wat toe met "vars bloed" in die vroue se slaai kom krap het...

Meer

Redakteurskeuse vir Februarie 2024: Mode, manewales, en Messi

Wat om te kyk: ’n Besonderse dokkie oor die legendariese sokkerenigma, Lionel Messi; ’n reeks oor hoe moderne mode tydens die Tweede Wêreldoorlog gestalte gevind het; en die nuwe Showmax se propvol kykspyskaart wat ikoniese reekse soos ‘The Office’ en ‘Parks & Recreation’ insluit – hier is ons keur van TV-vermaak vir vandeesmaand se redakteurskeuse.

Meer

Wat om te kyk: Reeksmoordenaars, rugby en roerende drama

Wat om te kyk: 'Donkerbos' is uiteindelik ook beskikbaar vir DStv-kykers; skouspelagtige rugby én agter-die-skerms-drama in ’n Sesnasies-dokkie; M-Net se nuwe gesinsdrama, 'Summertide', première, en ’n epiese oorlogsdrama wag in Steven Spielberg se 'Masters of the Air'. Lees verder vir ons keur van vandeesweek se beste keuses, aanlyn en op TV.

Meer
Sien alle opsies