Menu terloops
In Gons [8 Apr 2024]

‘Real Housewives van Pretoria’ se Mel Viljoen maak ’n draai in ‘Diepe Waters’


‘RHOPTA’ se Mel Viljoen duik hierdie week kop eerste in die ‘Diepe Waters’-wêreld.

‘Real Housewives van Pretoria’ se Mel Viljoen maak ’n draai in ‘Diepe Waters’

TV-kykers het haar leer ken in die Real Housewives van Pretoria, maar een van die dae is Mel Viljoen in ’n heel ander rol te sien as sy haarself op 10 en 11 April 2024 in Diepe waters begewe.

Mel maak ’n draai in dié gewilde telenovela waar sy haar professionele kundigheid gaan inspan om aan van die vroueswemmers ’n nuwe voorkoms te gee. Dit kom ook aan die lig dat sy vir Thandi ken wanneer sy Skinvestment besoek. Mel ontmoet terselfdertyd vir Valencia, wat Brooklyn toe trek om by Mel se naelsalon te gaan werk.

Mel Viljoen, Diepe Waters, Real Housewives van Pretoria
Mel Viljoen op die Diepe Waters-stel saam met van dié telenovela se sterre. Foto: Verskaf

“Met realiteits-TV speel jy jouself en nie ’n fiktiewe karakter nie,” sê Mel oor wat vir haar die grootste verskil was tussen haar ervaring op RHOPTA en Diepe Waters.

“Die drama is eg in ’n realiteitsreeks. Niemand skryf jou teks nie. Jy leef ook met die nagevolge. Daar is nie kans vir ’n take two nie.

“In Diepe Waters speel ek myself as hoof van Tammy Taylor en daarom was dit heel natuurlik. Ek verstaan wat ek doen. Die Diepe Waters-span moes my net help om woorde by gesigsuitdrukkings te laat pas en te sorg dat dit net-net genoeg is. Hulle was baie professioneel.”

Mel Viljoen, Diepe Waters, Real Housewives van Pretoria
Mel soos sy in die telenovela verskyn het. Foto: Verskaf

Mel se hoogtepunt

“Dit het my asem weggeslaan om te sien hoe natuurlik die proses vir die akteurs is. Hulle verdien beslis hul geld!”

En ja, as sy die kans sou kry om dit weer te doen, sal sy nie huiwer nie.

“Ek sal ’n Barbie-cowgirl in die Amerikaanse reeks Yellowstone, met Kevin Costner in die hoofrol, wil speel. Ek sal wil leer perdry met my hare wat perfek wapper terwyl ek oor die vlaktes galop.”


Binnelanders saai op weeksdae om 19:30 op kykNET (DStv-kanaal 144, ook op DStv Stream) uit. Episodes is ook ná uitsending op Catch Up beskikbaar.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

Jou kykgids vir ‘Boer soek ’n vrou’ se 16de seisoen

Dit als begin met ’n brief... Hier is wat jy in elke episode van die nuwe seisoen van die maatsoekreeks 'Boer soek ’n vrou', vanaf Donderdag, 18 Julie 2024 op kykNET, kan verwag.

Meer

Die onverbiddellike houvas van Jake Gyllenhaal se ‘Presumed Innocent’

'Presumed Innocent', ’n nuwe misdaadreeks op Apple TV+ met Jake Gyllenhaal in die hoofrol, is ’n rit deur troebel waters van geregtigheid en verraad – ’n rit wat jy eerder nie moet misloop nie.

Meer

Redakteurskeuse vir Julie 2024: Trefferreeks ‘Elite’ se finale seisoen, ’n robot vir jou trane in meesleurende ‘Sunny’, en nog

Wat om te kyk: Die finale seisoen van die Netflix-treffer ‘Elite’, ’n manjifieke Kate Winslet in ‘The Regime’ en ’n troos-robot in ‘Sunny’ tel onder my keur van TV-vermaak vir vandeesmaand se redakteurskeuse.

Meer

Jou ‘Skemergrond’-gids vir Julie 2024

Ons ontmoet die mense van Gemoedsdrif, en sommer in die eerste episodes is daar reeds nuwe romanse, ’n bakleiery en iemand se verlede wat kom spook. Dít en nog meer is waarna ‘Skemergrond’-kykers in Julie kan uitsien. Hier is ons handige kykgids.

Meer
Sien alle opsies