Menu terloops
In Gons [28 Nov 2023]

‘Oppi Noot’: Emo Adams se nuwe sangprogram soek eerste deelnemers


Die gewilde plaaslike vermaaklikheidster Emo Adams is die aanbieder van ’n splinternuwe sangprogram op kykNET – en jy kan nou vir ‘Oppi noot’ inskryf.

‘Oppi Noot’: Emo Adams se nuwe sangprogram soek eerste deelnemers

Oppi noot is ’n prettige speletjiesprogram waarin sangers teen mekaar meeding in ’n reeks uiteenlopende en vermaaklike musiekuitdagings. Terwyl die bekende vermaaklikheidster Emo Adams die aanbieder is, word die reeks deur Noot vir noot en Musiek Roulette se Stemmburg Televisie vervaardig.

Emo het reeds as kind in musiekblyspele van David Kramer en Taliep Petersen opgetree en later ’n geliefde sanger en aanbieder van TV-programme soos Jou show, Maak my famous en Noot vir noot geword. 

Wat kan kykers verwag? 

“Pret, plesier, baie gelag, lekker saamsing en iets totaal anders,” sê Emo. 

“Daar was nog nie so ’n program op Suid-Afrikaanse TV nie. Wat dit anders maak, is dat hierdie ’n speletjiesprogram spesifiek vir sangers is. Die doel is nie om musiekkennis of sangvermoëns te toets nie, maar eerder om te kyk hoe deelnemers vaar met die uitdagings van sanggebaseerde speletjies. Dis ’n lekker feel good-program en ek glo kykers gaan elke minuut geniet.”

Die sangers sal deur ’n orkes, onder leiding van Jaconell Mouton, begelei word. 

Só werk dit

Oppi noot is nie ’n realiteitstelevisie-sangkompetisie nie! Die sangers sal punte verdien vir hulle prestasie in die verskillende speletjies. Hoe meer liedjies ’n deelnemer kan sing, hoe beter. Drie sangers sal aan elke episode deelneem, en daar is in elke program kontant om te wen. Hoe verder jy na die eindronde vorder, hoe meer geld is op die spel. 

Drie gelukkige kykers gaan elke week gekies word om as “lugvennote” aan die program deel te neem. Lugvennote wen geld na gelang van hoe goed hul sangvennote in die program vaar.

Elke program begin met die aand se sangers wat elk een vers van ’n liedjie sing. Die eerste drie uit vyf kykers – wat lukraak vir deelname aan daai episode gekies word – wat die liedjies korrek kan identifiseer, dring dan deur as daardie episode se lugvennote. 

As lugvennoot, word jy verbind aan die sanger wie se liedjietitel jy korrek geïdentifiseer het. Jy wen dan ’n bedrag geld afhangend van of jou sanger eerste, tweede of derde plek in die program behaal het. Elkeen van die aand se drie lugvennote is dus gewaarborg om iets te wen. Inligting oor hoe om ’n lugvennoot te word, sal later bekend gemaak word. 

Wil jy sing?

Die soektog na die sangers is egter reeds in die wegspringblokke. As jy dus ’n sanger is wat noot kan hou en aan die program wil deelneem, stuur ’n video-opname waarin jy jou gunstelingliedjie sing saam met jou naam, ouderdom en waar jy woon per WhatsApp na 072 511 2986.


Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

As jy hou van misdaadreekse
15

15+ van die beste spanningsbelaaide polisiereekse om nou te kyk

Wat om te kyk: Daar is heelwat ander meesleurende polisie- en misdaadreekse om te stroom – hier is ons keur van die huidige bestes.

Meer

Redakteurskeuse vir Mei 2024: Vonke spat in ‘Bridgerton’ S3, ‘Juffrou X’ boei, en nog

Wat om te kyk: Die nuwe seisoen van ‘Bridgerton’, kykNET se moet-kyk dramareeks ‘Juffrou X’ en nog twee boeke wat in TV-reekse omskep is, ‘Dark Matter’ en ‘Maxton Hall’, tel onder my keur van TV-vermaak vir vandeesmaand se redakteurskeuse.

Meer

‘Wyfie’: Jou kykgids vir Mei 2024

Amanda se troebel verlede kom onder die loep, terwyl Kyla dalk ’n bietjie te hard kuier. Hier is wat jy vandeesmaand op die Afrikaanse universiteitsdrama, 'Wyfie', kan verwag.

Meer

Jou ‘Arendsvlei’-gids vir Mei 2024

Die Vlei se mense kry hartseer nuus, verhoudings neem nuwe draaie, en Desmond sal moet pasop vir Audrey – 'Arendsvlei'-kykers kan na dít en nog meer in Mei uitsien. Hier is ons handige kykgids.

Meer
Sien alle opsies