Kykers het Bertus Basson die afgelope ruk leer ken as ’n streng, maar regverdige beoordelaar op kosrealiteitsreekse soos Kokkedoor Vuur & Vlam. Die veelsydige sjef, restauranteur, entrepreneur en TV-persoonlikheid het sy eie manier om ’n peri-peri-hoender te laat sing van lekkerte!
Hier deel hy sy spesiale peri-peri-hoenderresep wat in ’n skottelbraai voorberei word. Daar’s ook ’n nuttige wenk sodat jy kan seker maak jou marinade trek diep die hoender binne.
Peri-peri-marinade
6 vars rissies
3 lourierblare
10g koljandersade
10g swartpeperkorrels
15g vars koljanderblare
10g paprika
5g karwysaad
5g cayennepeper
2 suurlemoene – skil en sap
80ml witasyn
60g suiker
20g sout
1 heel hoender
Metode
Meng al die bestanddele saam.
Probeer om dit nie te fyn te meng nie, daar moet nog ’n bietjie tekstuur wees!
Druk die hoender plat (spatchcock) en sny die bene, dit sal help dat die marinade diep in die hoender intrek.
Marineer die hoender oornag.
Braai oor oop, matige kole in ’n ketelbraaier. Probeer om nie die hoender te gereeld om te draai nie.
Hou aan om die hoender deurentyd met die marinade te bedruip vir die duur van die kooktyd.
Die perfekte peri-peri-hoender moet ’n krakerige vel, sappige vlees en ’n geurbalans tussen pikant en matige skerpheid hê.
Kokkedoor Vuur & Vlam saai Donderdagaande uit om 20:00 op kykNET (DStv-kanaal 144 en DStv Stream). Die reeks is ook op Catch Up beskikbaar. Ons geliewe resensent, Annie Brand, se recaps word direk ná elke nuwe episode omstreeks 21:00 gepubliseer.
