Menu terloops

Jack Ryan S1-4

Op Ander [Gepubliseer op 30 Jun 2023]


Die vierde – en laaste – seisoen van ‘Tom Clancy’s Jack Ryan’, is gelyke dele aksie en intrige met John Krasinski se sjarme wat die reeks daai ekstra ietsie gee.

Jack Ryan S1-4
Kyk lokprent

Met die aanvang van die laaste seisoen van Tom Clancy’s Jack Ryan, is die titelkarakter op sy gevaarlikste missie nog. Die storie hervat met Jack (Krasinski) in die rol van die nuwe waarnemende adjunkdirekteur van die CIA.

Jack se eerste taak is allermins maklik. Daar’s vyande en korrupsie in hul eie geledere wat Jack moet ontbloot. Hy ontdek dan ’n hele reeks ongewone black ops wat Amerika se swakpunte kan ontbloot en só die hele land in gevaar stel. Soos Jack en sy span die korrupsie in die organisasie ondersoek, kom hulle egter op iets nog erger af…

Ook in die rolverdeling tel Wendell Pierce as James Greer, Michael Kelly as Mike November, en Abbie Cornish as Cathy Mueller.

Nuwe gesigte dié seisoen sluit in Michael Peña as Domingo Chavez en Louis Ozawa as Chao Fah.

Die resensent Alex Maidy het die kombinasie van Krasinski en Pierce in die rolverdeling geloof en skryf voorts dat die reeks “die politieke en aksie-elemente kombineer op ’n manier wat vir wonderlike televisie sorg”.


Stroom Tom Clancy’s Jack Ryan vanaf Vrydag, 30 Junie 2023, op Prime Video.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

As jy hou van misdaadreekse
15

15+ van die beste spanningsbelaaide polisiereekse om nou te kyk

Wat om te kyk: Daar is heelwat ander meesleurende polisie- en misdaadreekse om te stroom – hier is ons keur van die huidige bestes.

Meer

Redakteurskeuse vir Mei 2024: Vonke spat in ‘Bridgerton’ S3, ‘Juffrou X’ boei, en nog

Wat om te kyk: Die nuwe seisoen van ‘Bridgerton’, kykNET se moet-kyk dramareeks ‘Juffrou X’ en nog twee boeke wat in TV-reekse omskep is, ‘Dark Matter’ en ‘Maxton Hall’, tel onder my keur van TV-vermaak vir vandeesmaand se redakteurskeuse.

Meer

‘Wyfie’: Jou kykgids vir Mei 2024

Amanda se troebel verlede kom onder die loep, terwyl Kyla dalk ’n bietjie te hard kuier. Hier is wat jy vandeesmaand op die Afrikaanse universiteitsdrama, 'Wyfie', kan verwag.

Meer

Jou ‘Arendsvlei’-gids vir Mei 2024

Die Vlei se mense kry hartseer nuus, verhoudings neem nuwe draaie, en Desmond sal moet pasop vir Audrey – 'Arendsvlei'-kykers kan na dít en nog meer in Mei uitsien. Hier is ons handige kykgids.

Meer
Sien alle opsies