Wyfie oor ʼn groep universiteitsvriendinne, speel af by die Pantera-koshuis van die denkbeeldige Eike-universiteit.
Die tweede aflewering van Wyfie word tans op Showmax vrygestel. Daar is elke Dinsdag twee nuwe episodes beskikbaar. Hier is wat jy vandeesmaand op dié universiteitsdrama kan verwag.
Donderdag, 5 September
“Stoepskou”
’n Belangrike eerstejaar-tradisie het die hele koshuis op hol. Nastasha is op haar senuwees oor Pantera se finansies. Die Otters neem ’n belangrike besluit rakende Kyla se desperate situasie.
“Back 2 School”
Die eerste dag terug op kampus bring verrassings: ’n nuwe Mia Meyer, ’n ultimatum aan Kyla, ’n reeks gatkrampe vir Amanda met komplimente van Simeon, en ’n geskenk wat Shay laat smelt.
Donderdag, 12 September
“Koshuisfoto”
Pantera se jaarlikse koshuisfoto word geneem, maar niemand is so gereed soos hulle behoort te wees nie. Kyla beland langs die verkeerde persoon op die foto.
“Die Klou”
Nastasha betrek vir Amanda by een van Pantera se oudste tradisies, maar dit gaan beteken dat sy vir Kyla verraai.
Donderdag, 19 September
“Onse Vaders”
Shay laat ontwikkel al haar pa se ou foto’s en dit is ’n ontnugtering oor die mens wat sy besig is om te word. Haar ma, Ragel, vind uit van haar kuiers met die professor.
“Op jou knieë”
Shay daag overwags by Maggie se woonstel met ’n belangrike vraag op. Sal hulle twee die antwoord kan vind? Amanda word onkant gevang deur ’n verrassende boodskap van ’n ou vlam.
Donderdag, 26 September
“Tannie Adri”
Koshuismoeders word gesien en nie gehoor nie. Maar Tannie Adri het genoeg gehad en gee vir Nastasha en die huiskomitee hel.
“Liewe Toekomstige Ek”
Jessie, die Ottters se koshuisdogter, beland in die gemors wanneer sy een van Shay se grootste geheime aan almal in Pantera uitlap.
