Lekker verjaar aan die uiters toegewyde span van Suidooster, derduisende kykers se gunsteling-sepie.
1
Suidooster is die eerste Afrikaanse sepie wat in Kaapstad verfilm word.
2
Dit het destyds ’n blitsvinnige vyf maande en 15 dae geneem om alles gereed te kry – van die aankondiging op 1 Junie tot die eerste episode wat op 16 November 2015 uitgesaai is.
3
Die Suidooster-ateljee was voorheen ’n Makro-groothandelaar.
4
Die akteurs en produksiespan val reeds soggens 07:30 by die ateljee in en werk tot sowat 19:30 saans.
5
Alistair Izobell het spesiaal twee liedjies vir Suidooster gekomponeer, waarvan een as die temalied gebruik word.
6
Om een episode van 22 minute uit te saai, skiet drie kameras vir ongeveer tien ure elke dag. Dit beteken ongeveer 30 ure se skietwerk word na 22 minute afgesny.
7
Daar is ’n “karakterbybel” vir die reeks en só het elke karakter tot hul eie sterreteken! Denise Newman se karakter, Bridgette October, is ’n Skerpioen!
8
Richard September, wat die geliefde Bennie-karakter speel, is ook een van die sepie se regisseurs.
Kyk Suidooster weeksdae om 18:00 op DStv-kanaal 144 (ook aanlyn op DStv Stream) of ná uitsending op Catch Up.
