Hier is ’n voorsmakie van wat jy hierdie maand in Suidooster kan verwag.
Maandag, 1 Julie
Lonestar Laundry maak sy deure oop. Justin vat ’n kans met Lisa, terwyl Zoë haar skeidokumente van die prokureur af kry.
Dinsdag, 2 Julie
Gary wonder hoekom die nuwe wassery so buitengewoon besig is, terwyl Aiden vir Lisa op ’n date vra. Bridgette is bekommerd dat Zoë te gou probeer aanbeweeg en Bennie klik op Kate …
Woensdag, 3 Julie
Siya besluit om die ring vir die polisie te gee, maar dan laat iets hom twyfel of hy dit moet doen. Zoë se tweede date is ook ’n mislukking, terwyl Angie en Justin het vrae oor Gary.
Donderdag, 4 Julie
Bridgette reik uit na Mymoena, terwyl Gary vir Justin in sy vertroue neem. Mrs J bedoel goed, maar fnuik onwetend Siya en Kate se planne
Vrydag, 5 Julie
Justin se gewete ry hom, maar gaan hy iets aan die saak doen? Aiden neem ’n oorhaastige besluit oor Lisa, terwyl Mymoena se nuwe selfoonspeletjie haar roetine omverwerp.
Maandag, 8 Julie
Mymoena se nuwe tydverdryf hou haar omtrent besig. Gary dink nie Lisa is die regte meisie vir Aiden nie, terwyl Siya en Kate mekaar takel oor die “Barmhartige Samaritaan” se skenkings.
Dinsdag, 9 Julie
Gary sien iets wat hom ontstel, maar Aiden dink hy maak ’n berg van ’n molshoop. Zoë probeer iets nuuts, terwyl Mymoena se dag tot ’n verrassende einde kom.
Woensdag, 10 Julie
Aiden waag ’n kans en word beloon. Mrs J maak ’n groot glips en Susan is op ’n nuwe missie.
Donderdag, 11 Julie
Aiden en Lisa leer mekaar nog beter ken, terwyl Zoë ’n terugslag kry. Susan soek die Barmhartige Samaritaan en Mymoena doen iets wat teen haar waardes indruis.
Vrydag, 12 Julie
Nazeem probeer vir Zoë oortuig om te vergeet van Texas. Mymoena skok haar kinders, terwyl die kastige Barmhartige Samaritaan ontmasker word.
Maandag, 15 Julie
Mymoena se foon kry ’n virus en die kerk se foutiewe klankstelsel word ’n probleem. Lisa vind uit Thys het Aiden agter haar rug genader oor sy produk en dat Aiden nie gretig is om daarin te belê nie.
Dinsdag, 16 Julie
Mymoena word in die versoeking gelei. Aiden se liefdeslewe beïnvloed sy sakebesluite, terwyl Ruiterbosch se gemeente baat vind by die Barmhartige Samaritaan.
Woensdag, 17 Julie
Angie se oë lol en Mymoena se leuens begin haar inhaal. Intussen word Lisa se tyd om vir Aiden in te katrol al minder.
Donderdag, 18 Julie
Lisa en Aiden se verhouding neem ’n interessante wending, en Siya neem ’n besluit wat gemengde gevoelens ontlok. Gary sien iets wat hy wens hy nie nie gesien het nie.
Vrydag, 19 Julie
Gary waarsku Mymoena. Thys is omgekrap omdat Lisa laat by die huis gekom het, terwyl Kate en Siya steeds sukkel om tot ’n vergelyk te kom.
Maandag, 22 Julie
Die gevaarligte flikker vir Mymoena. Lisa is bekommerd oor haar verhouding met Thys, terwyl Kate en Siya ’n plan maak om vir Angie én Brendan te help.
Dinsdag, 23 Julie
Thys is woedend wanneer hy uitvind Lisa en Aiden neem besigheidsbesluite sonder hom. Elana se gebak gee twee Ruiterboschers nuwe hoop, terwyl Mymoena in die versoeking gelei word.
Woensdag, 24 Julie
Mymoena moet drasties planne maak. Die strop trek al hoe nouer om Aiden, Lisa en Thys.
Donderdag, 25 Julie
Mymoena wil die regte ding doen, maar gaan sy kan deurdruk? Angie sien uit na haar oogoperasie, terwyl die spanning tussen Lisa en Thys verder opbou.
Vrydag, 26 Julie
Mymoena is soos ’n benoude kat wat benoude spronge maak. Aiden het groot planne vir hom en Lisa, maar Thys hou niks daarvan nie…
Maandag, 29 Julie
Thys probeer vure doodslaan ná sy roekelose optrede, en Lisa raak iets kwyt wat sake nóg verder kompliseer. Gary wil vir Mymoena help, maar dit lyk asof sy sake onder beheer het.
Dinsdag, 30 Julie
Nazeem sien rooi oor ’n ene Maude… Angie dink Zoë het vir Gary gebruik en ’n nuwe produk word by die apteek bekend gestel.
Woensdag, 31 Julie
Nazeem en Texas ervaar druk. Die liefdesdriehoek tussen Aiden, Lisa en Thys raak nog meer kompleks, terwyl Gary teleurgestel word.
Kyk Suidooster weeksdae om 18:00 op DStv-kanaal 144 (ook aanlyn op DStv Stream) of ná uitsending op Catch Up.
