Kyk uit vir dié vyf storielynkinkels in Suidooster in April.
1
Ian October mag dalk dood wees, maar sy spook loop in Ruiterbosch. En boonop is dit ’n geval van “die een se dood, is die ander se brood…” Ná Pam October se skokonthulling dat Ian eintlik Zoë se biologiese pa is, gryp Tim die kans van ’n leeftyd aan om vir eens en vir altyd Bridgette tot ’n val te bring. ’n Volskaalse oorlog breek tussen dié twee uit en Tim kry ook hulp van Nazeem om sy wraakplan uit te voer.
2
Bridgette is nie die enigste Jacobs wat ’n krisis in die gesig staar nie, want Lee-Ann se wêreld word omvergewerp as gevolg van Ty se breingewas wat terug is. Hy neem ook ’n drastiese besluit.
3
Met Siya en Danni se huwelik wat op die rotste is, probeer beide met hul lewens aangaan. Dít blyk egter makliker vir Danni as vir Siya… Dit lyk of sy meer as net vertroosting in haar ekskêrel, Aiden, se arms vind. Dalk was Siya tog nie verniet paranoïes tydens hul huwelik nie?
4
Gary keer ook terug na Ruiterbosch en dié keer is hy hier om te bly.
5
Susan kry ’n raaiselagtige oproep by Radio Dassie, wat interessante gevolge vir haar het.
Kyk Suidooster weeksdae om 18:00 op DStv-kanaal 144 (ook aanlyn op DStv Stream) of ná uitsending op Catch Up.
