Menu terloops
In Wat om te kyk [28 Mar 2023]

‘Real Housewives’ boer nou in die Wynlande


Eers het vyf vroue van Pretoria die land aan die gons gehad in ‘Die Real Housewives van Pretoria’ – en nou is die mooie Kaap aan die beurt in ‘Die Real Housewives van die Wynlande’.

‘Real Housewives’ boer nou in die Wynlande

In Die Real Housewives van die Wynlande gaan ses vroue hul huise, harte en lewens vir kykers blootlê. Dié ses, wat ’n voormalige skoonheidskoningin, fiksheidsmodel, mediese dokter en sangeres insluit, se name word eersdaags bekendgemaak.

Die Real Housewives van die Wynlande is in en om Franschhoek, Paarl, Stellenbosch en Somerset-Wes verfilm. Die eerste episode sal op 20 April uitgesaai word.

Volgens Barrie Kelly van NBC Universal, die Amerikaanse maatskappy aan wie die Housewives-franchise behoort, is dié nuwe weergawe van die realiteitsreeks asemrowend. “Die ‘stel’ van die Kaapse wynlande is ongelooflik en ek is gaande oor hoe dit in die openingtitels gebruik word,” sê hy.

“Die natuurskoon en pragtige dorpies is as’t ware een van die hoofkarakters van die reeks,” meen die reeksregisseur Pascual Wakefield. “Kykers gaan beslis aanklank vind by die vroue, op die punt van hulle stoele sit as dinge ernstig raak en soms emosioneel geroer word. Daar gaan natuurlik ook baie gelag word; alles in een episode. Hierdie vroue het dalk nie ’n tekort aan geld nie, maar hulle het siel ook.”

The Real Housewives-franchise het in Maart 2006 sy debuut in Amerika met The Real Housewives of Orange County gemaak. Intussen is daar 11 verskillende reekse in Amerika vervaardig met 21 internasionale weergawes waaronder reekse in Durban, Johannesburg en Kaapstad. Die Real Housewives van Pretoria, wat in Oktober 2022 op kykNET begin het, was die eerste reeks in Afrikaans.


Die Real Housewives van die Wynlande begin op 20 April 2023 om 20:00 op kykNET, DStv-kanaal 144 en DStv Online.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

As jy hou van misdaadreekse
15

15+ van die beste spanningsbelaaide polisiereekse om nou te kyk

Wat om te kyk: Daar is heelwat ander meesleurende polisie- en misdaadreekse om te stroom – hier is ons keur van die huidige bestes.

Meer

Redakteurskeuse vir Mei 2024: Vonke spat in ‘Bridgerton’ S3, ‘Juffrou X’ boei, en nog

Wat om te kyk: Die nuwe seisoen van ‘Bridgerton’, kykNET se moet-kyk dramareeks ‘Juffrou X’ en nog twee boeke wat in TV-reekse omskep is, ‘Dark Matter’ en ‘Maxton Hall’, tel onder my keur van TV-vermaak vir vandeesmaand se redakteurskeuse.

Meer

‘Wyfie’: Jou kykgids vir Mei 2024

Amanda se troebel verlede kom onder die loep, terwyl Kyla dalk ’n bietjie te hard kuier. Hier is wat jy vandeesmaand op die Afrikaanse universiteitsdrama, 'Wyfie', kan verwag.

Meer

Jou ‘Arendsvlei’-gids vir Mei 2024

Die Vlei se mense kry hartseer nuus, verhoudings neem nuwe draaie, en Desmond sal moet pasop vir Audrey – 'Arendsvlei'-kykers kan na dít en nog meer in Mei uitsien. Hier is ons handige kykgids.

Meer
Sien alle opsies