Ragdoll, gegrond op die gelyknamige rillerboek deur Daniel Cole, is deur dieselfde span as die bekroonde trefferreeks Killing Eve vervaardig.
Met ’n fyn balans tussen geweld en ’n skerpsinnige teks, draai die verhaal om die polisieondersoek wat ná die moorde op ses mense volg.
Dié moorde is egter op ’n volgende vlak van grillerig – nie net is die slagoffers se liggame in stukke opgesny nie, verskillende dele daarvan is bymekaargewerk om een gruwelike lyk te skep. Vandaar dan die bynaam, Ragdoll.
Die reeks het ’n punt van 90% op die resensiewebwerf Rotten Tomatoes en word vir gril-en-ril-aanhangers aanbeveel… Dis nou as jy dink jou maag is sterk genoeg. Soos Matt Roush van TV Insider skryf: “Kyk dit as jy dit waag.” Of dit inderdaad wel meer grieselrig as Dexter is, sal jy maar self moet besluit…
Die rolverdeling sluit in Lucy Hale van Pretty Little Liars, en Killing Eve se Henry Lloyd-Hughes.
Kyk dit nou op Showmax.
