Elke maand bring ons vir jou ’n opsommende voorskou oor al die drama, smart en skandale waarna jy op kykNET&kie se se eerste Brasiliaanse telenovela, Plaas van passie, wat na Afrikaans oorgeklank is, kan uitsien.
Donderdag, 1 Mei
Ademir betaal die paaiement vir Aline se lening om Antônio uit te lok. Jussara probeer Aline oortuig dat Daniel met haar speel. Antônio deel ʼn groot besluit met Daniel.
Maandag, 5 Mei
Caio vertel vir Daniel dat hy op Aline verlief is, min wetende dat sy en Daniel ʼn verhouding het. Antônio wil uitvind wat van Agatha se liggaam geword het.
Dinsdag, 6 Mei
Daniel sê vir Graça hulle moet weggaan en op ʼn strand trou terwyl hy vir Aline sê as sy haar grond verlaat, sal hy met haar trou. Caio verklaar sy liefde aan Aline.
Woensdag, 7 Mei
Wanneer Caio vir Daniel konfronteer oor sy geheime verhouding met Aline, stort Daniel ineen. Hy is in ʼn ernstige motorongeluk. Irene blameer vir Caio.
Donderdag, 8 Mei
Irene verbied eers vir Caio om ʼn draer vir Daniel se kis te wees, maar gee tog later in. Graça gee vir Marino en Tadeu skokkende nuus.
Maandag, 12 Mei
Irene brand Aline se landerye af met Ramiro se hulp. Tadeu hoor Luigi se stem oor die rekenaarskerm en hy en Enzo besef dat die gemaskerde vrou Petra moet wees.
Dinsdag, 13 Mei
Berenice verlei Antônio. Aline sê vir Caio dat hy haar geen verduideliking verskuldig is as hy besluit om met Graça te trou nie.
Woensdag, 14 Mei
Antônio gee opdrag aan Ramiro om Aline te vermoor en hy probeer om haar in die rivier te verdrink. Onder druk van Antônio vra Caio vir Graça om met hom te trou en sy is ekstaties daaroor.
Donderdag 15 Mei
Caio maak dit duidelik dat hy weens Daniel en die baba met Graça sal trou. Berenice skrik vir ’n ratelslang in haar kas en vind uit dat Irene verantwoordelik was daarvoor.
Maandag, 19 Mei
Franco verleng nie die sperdatum vir Aline om ’n deel van die skuld te betaal nie. Jonatas en Caio bied aan om Aline te help, maar sy aanvaar nie. Aline sit Jussara se huis op die verkoopsmark.
Dinsdag, 20 Mei
Berenice word uit die kroeg geskop, Luana neem oor en laat Berenice vloere skrop. Caio betaal geld in om Aline se skuld te delg, maar Irene sorg dat die geld na ʼn weeshuis toe gaan.
Woensdag, 21 Mei
Wat bedoel was as die tweede paaiement op Aline se skuld beland in ʼn weeshuis se bankrekening. ʼn Datum vir Graça en Caio se troue word vasgestel.
Donderdag, 22 Mei
Irene daag met ’n bottel sjampanje op by Aline en gooi wit poeier in haar glas. Ramiro se verloofde Raimunda arriveer, maar kort voor lank sien sy Ramiro en Kelvin saam.
Maandag 26 Mei
Aline lyk meer en meer soos die verdagte vir Daniel se dood, maar Caio probeer haar beskerm. Irene is vasbeslote om Aline uit die weg te ruim.
Dinsdag, 27 Mei
Antônio en Irene bespreek hulle gemeenskaplike haat vir Aline. Rodrigo sê vir Caio dat hy vermoed dat sy ma nog leef. Irene waarsku Luigi om nie vir Petra af te skeep nie.
Woensdag, 28 Mei
Antônio word vrygelaat uit die tronk. Menah word van die pad af gedwing en aangerand.
Donderdag, 29 Mei
Berenice oorreed vir Antônio om die kroeg namens haar te koop, maar Nice weier om die aanbod te aanvaar. Irene en Nice span saam om Agatha uit die weg te ruim indien sy eendag sou opdaag.
Plaas van passie word Maandae tot Donderdae om 20:00 op kykNET&kie (DStv-kanaal 145) en DStv Stream uitgesaai. Dit is ook ná uitsending op Catch Up beskikbaar. Die laaste episode word op 17 Maart uitgesaai.
