Menu terloops
In Gons [5 Apr 2024]

‘Op my eish!’ met Brendan Peyper: Kry antwoorde in die reünie-episode!


Brendan Peyper het uiteindelik een van die 16 vroue gekies, maar daar is nog brandende vrae ná die slotepisode van ‘Op my eish!’… Sommer baie!

Stroom aanlyn

‘Op my eish!’ met Brendan Peyper: Kry antwoorde in die reünie-episode!

In ’n spesiale Op my eish!reünie-episode op Donderdag, 11 April 2024, op kykNET (DStv-kanaal 144 en DStv Stream) kan kykers uitvind wat in die vyf maande sedert die verfilming van die laaste episode gebeur het.

Brendan se wingman, Jo Black, sal weer aan die stuur van sake wees en vir die vroue die geleentheid gee om te praat oor alles wat hulle nog op die hart het.

Die top-12 en twee wildcards is almal by die reünie, maar Christine kon ongelukkig nie die geleentheid bywoon nie. 

In dié episode sal kykers uitvind hoe dit met Brendan en Janae gaan en watter van die ander vroue intussen liefde gevind het. En dan is daar ook vroue wat hul kant van die storie kom vertel.

In die laaste episode moes Brendan tussen Rachelle, Katja en Janae kies, en die gelukkige een was toe Janae.

“Ek voel ek het deur die Op my eish!-reis aansienlik gegroei en dele van myself ontdek. Dit was nie net ’n reis om liefde te vind nie, maar ook ’n reis waar ek introspeksie gedoen het en my verhouding met die Here versterk het. Dinge het partykeer onseker gevoel en daarom was dit vir my belangrik om te bly glo aan Jesus se plan,” sê Janae.

Brendan sê dat hy nooit dié ervaring sal vergeet nie.

“Ek het amazing mense tydens verfilming ontmoet en is opgewonde om te sien wat nog voorlê.”

Sy EP (kort-album), Omdat jy mag, is ook vanaf vandag (5 April 2024) beskikbaar.


Lees ons recap van die reünie-episode omstreeks 21:00 ná uitsending van die episode op kykNET en DStv Stream (DStv-kanaal 144). Dié spesiale episode sal ook op Catch Up beskikbaar wees.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

Jou kykgids vir ‘Boer soek ’n vrou’ se 16de seisoen

Dit als begin met ’n brief... Hier is wat jy in elke episode van die nuwe seisoen van die maatsoekreeks 'Boer soek ’n vrou', vanaf Donderdag, 18 Julie 2024 op kykNET, kan verwag.

Meer

Die onverbiddellike houvas van Jake Gyllenhaal se ‘Presumed Innocent’

'Presumed Innocent', ’n nuwe misdaadreeks op Apple TV+ met Jake Gyllenhaal in die hoofrol, is ’n rit deur troebel waters van geregtigheid en verraad – ’n rit wat jy eerder nie moet misloop nie.

Meer

Redakteurskeuse vir Julie 2024: Trefferreeks ‘Elite’ se finale seisoen, ’n robot vir jou trane in meesleurende ‘Sunny’, en nog

Wat om te kyk: Die finale seisoen van die Netflix-treffer ‘Elite’, ’n manjifieke Kate Winslet in ‘The Regime’ en ’n troos-robot in ‘Sunny’ tel onder my keur van TV-vermaak vir vandeesmaand se redakteurskeuse.

Meer

Jou ‘Skemergrond’-gids vir Julie 2024

Ons ontmoet die mense van Gemoedsdrif, en sommer in die eerste episodes is daar reeds nuwe romanse, ’n bakleiery en iemand se verlede wat kom spook. Dít en nog meer is waarna ‘Skemergrond’-kykers in Julie kan uitsien. Hier is ons handige kykgids.

Meer
Sien alle opsies