Menu terloops
In Gons [20 Sep 2024]

‘My naam is Farah’: Nuwe oorgeklankte Turkse telenovela op pad na kykNET&kie


’n Splinternuwe oorgeklankte Turkse telenovela, ‘My naam is Farah’, begin op 14 Oktober op kykNET&kie en daar gaan weer oorgenoeg drama én romanse wees. 

‘My naam is Farah’: Nuwe oorgeklankte Turkse telenovela op pad na kykNET&kie

My naam is Farah vervang die gewilde telenovela, Moederhart, wat binnekort ten einde loop.

Waaroor gaan ‘My naam is Farah’?

Farah Ersaid is ’n 28-jarige Iranese dokter wat onwettig as ’n skoonmaker in Istanbul werk. Sy is ma van ’n sesjarige seun, Kerimsah, wat aan ’n outo-immuunsiekte ly en geen weerstand teen siektes het nie. Die mediese hulp wat hy nodig het, is peperduur, en Farah kan ondanks haar kwalifikasie nie as dokter in Turkye werk nie. Sy werk dan as ’n skoonmaker om genoeg geld vir sy mediese sorg te verdien. 

Farah se wêreld word verder omgedolwe as sy die ooggetuie van ’n moord deur die plaaslike mafia is. Die mafiabaas kry vir Tahir Lekesiz om haar te vermoor, maar sal hy die opdrag kan deurvoer? Waar lê sy lojaliteit: by die mafiabaas wat sy lewe gered het toe hy ’n kind was, of by die mooie dokter en haar seun? 

My naam is Farah se oorspronklike Turkse titel is Adim Farah. Dit is ’n verwerking van die Argentynse reeks La Chica que Limpia, en het ook ’n Amerikaanse weergawe, The Cleaning Lady, wat op Showmax te sien is. 

Wie’s die hoofspelers?

Demet Özdemir is Farah Ersaid. Mandi Baard is vir Farah se stem in Afrikaans verantwoordelik. 

Demet is op 26 Februarie 1992 in Izmit gebore, maar het ná haar ouers se egskeiding saam met haar ma en twee ouer sibbe Istanbul toe getrek. Demet was ’n professionele danser voordat sy ’n aktrise geword het. 

Engin Akyürek is Tahir Lekesiz. Die stem van Tahir word deur Reynard Slabbert gedoen.

Engin, wat op 12 Oktober 1981 gebore is, is ’n Turkse akteur en draaiboekskrywer. Hoewel hy geen formele drama-opleiding het nie, is dit sy eerste liefde. Hy het taalgeskiedenis en geografie aan die Universiteit van Ankara studeer voordat hy aan Turkey’s Stars, ’n TV-talentsoekprogram, deelgeneem het. Kort daarna het hy sy eerste rol losgeslaan.

My naam is Farah
Demet Özdemir is Farah Ersaid en Engin Akyürek is Tahir Lekesiz. Foto: Verskaf

Firat Tanis speel die rol van Mehmet Kosaner en sy stem in Afrikaans word deur Charl van Heyningen gedoen. 

Firat is ’n Turkse akteur en musikant en het al in meer as 30 rolprente verskyn. Hy is op 5 Mei 1975 gebore. 

Ander karakters in die telenovela – en hul Afrikaanse stemme – is Perihan (Karin Retief), Kaan (Markus Heywood), Kerim (Juwan van der Westhuizen), Gonul (Carmen Pretorius), Ilyas (Pierre-Thomas Retief), Orhan (Mortimer Williams) en Bade (Mari Molefe). 


My naam is Farah begin 14 Oktober om 20:00 op kykNET&kie (DStv-kanaal 145) en DStv Stream. Episodes is ná uitsending ook op Catch Up beskikbaar. 

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

kykNET se nuwe mini-dramareeks is ’n verhaal van verlies, vergifnis en hoop

Twee mans se paaie kruis in ’n ondersteuningsgroep ná die verlies van geliefdes. kykNET se 'Elke donker wolk' verken hoe ’n onverwagse vriendskap ruimte skep vir vergifnis, genesing en hoop.

Meer

Rubriek: Gaan griffel in Ouma se resepteboek! ‘Kokkedoor: Klassiek’ is terug! 

Ná ’n voorskou van die eerste episode laat 'Kokkedoor: Klassiek' vir Marteni Burger verlang na haar ouma se resepte én sien sy uit na nog skeppies nostalgie - met ’n knippie kombuisdrama en verrassende kinkels daarby.

Meer

Van die veld tot die kelder – kuier dié November saam met VIA

Van wildplase en wynkelders tot huise met karakter: VIA se November-aanbod beloof vars ontdekkings. Kuier saam met Shari Kennedy, Leandie du Randt, Frank Rautenbach en JP Quickelberge, en leer ken die mense, stories en plekke wat Suid-Afrika so besonders maak.

Meer

Chanél Muller oor ‘Sy, die meeue en die Heilige Gees’

"Enige persoon se geloofsreis is ’n baie persoonlike reis, en dit gebeur alles baie innerlik", sê Chanel Muller, die skrywer, regisseur en vervaardiger van die kykNET-reeks 'Sy, die meeue en die Heilige Gees'.

Meer
Sien alle opsies