Die Suidooster-karkaters, Elana (Esther von Waltsleben) en Susan (Natasha van der Merwe), het wéér ewig trou aan mekaar beloof. Om jou geheue te verfris: Die twee was jare terug getroud en na Ruiterbosch verhuis om ’n kuierplek, Die Anker, oop te maak. Maar toe het Susan vir Elana met Justin (Eden Classens) verneuk. Susan en Justin was vir ’n ruk saam voordat hulle besluit het om eerder net vriende en sakevennote te wees as mede-eienaars van Radio Dassie.
Maar Susan en Elana het nog altyd ’n magnetiese aantrekkingskrag gehad en het uiteindelik weer liefde by mekaar gevind. En nou staan hulle saam voor die kansel!
Al die foto’s is deur Gys Loubser geneem.
Die bruide
Dit was ’n besonderse troue gewees, so reg in Elana en Susan se styl. Die Kaapse mode-ontwerper Adri Andrews het Elana en Susan se trouklere ontwerp.
Die dekor
Die troue het ’n cowboy-tema gehad en ’n spesiale stel is by Atlantic Studios, die tuiste van Suidooster, daarvoor gebou.
Die gaste
Spesiale gaste in dié episode het Elana se ma, Nelia (Joanie Combrinck), en Susan se suster, Linda (Melissa Willering), ingesluit. Mrs J (Theresa Sedras), wat onlangs na Tulbagh verhuis het, het ook ’n draai kom maak.
Agter die skerms
Kyk Suidooster weeksdae om 18:00 op DStv-kanaal 144 (ook aanlyn op DStv Stream) of ná uitsending op Catch Up.
