Elke maand bring ons vir jou ’n opsommende voorskou oor al die drama, smart en skandale waarna jy op kykNET&kie se Turkse telenovela, My naam is Farah, wat na Afrikaans oorgeklank is, kan uitsien.
Woensdag, 1 Januarie
Later by die bruilof kry Gönül ʼn geleentheid om met Orhan te gesels. Hulle styk dinge uit. Tesame met Spesiale Magte voer Mehmet en sy manne ʼn klopjag op Ali Galip se pakhuis uit.
Donderdag, 2 Januarie
Tahir het Ali Galip op sy knieë, maar wil nie bloed op sy hande hê nie en sê vir hom hy moet vlug. Hy kom op Mehmet af met ʼn skietwond in die kop.
Maandag, 6 Januarie
Behnam is verheug wanneer hy uitvind dat daar ʼn kans is dat hy Kerim se pa is.
Dinsdag, 7 Januarie
Behnam plant ʼn saadjie in Kerim se kop oor wie sy pa kan wees. Farah word gevange gehou en word ingelig dat Kerim na Iran geneem word. Tahir loop hom in ʼn strik vas.
Woensdag, 8 Januarie
Bade probeer haar bes om vir Mehmet wakker te kry. Tahir wil Farah en Kerim weer red, maar loop hom vas. Ali Galip probeer Bade vermoor, maar iemand steek ʼn stokkie vir sy planne.
Donderdag, 9 Januarie
Mehmet herwin sy bewussyn, maar kan nie onthou wie hom geskiet het nie. Tahir word uit die tronk vrygelaat en sê vir Behnam dat hy hom as Kerim se pa sal aanvaar.
Maandag, 13 Januarie
Behnam se ma kry Farah uit die huis uit om inkopies te gaan doen en probeer haar omkoop om te verdwyn. Tahir ontvoer Farah, oortuig dat Behnam haar teen haar wil aanhou.
Dinsdag, 14 Januarie
Farah ontsnap terug na Behnam. Merjan vind uit dat Behnam op Tahir jag maak. Ilyas kom agter dat Vera nie is wie sy voorgee nie.
Woensdag, 15 Januarie
Farah word steeds deur Behnam gevange gehou, maar probeer ontsnap as daar aan haar gesê word Tahir is dood. Tahir word egter gered deur iemand wat haar eie vendetta teen Behnam het.
Donderdag, 16 Januarie
Farah se vreugde om Kerim by haar te hê, is van korte duur as Tahir met die getekende egskeidingsdokumente opdaag. Behnam gun haar ʼn bietjie meer vryheid.
Maandag, 20 Januarie
Vera en Gönül is op pad na die direksievergadering om vir Behnam uit te daag vir die voorsitterskap van die maatskappy. Vandat Ali Galip verdwyn het, is Vera en Gonul in beheer van sy aandele.
Dinsdag, 21 Januarie
Haluk oorreed vir Akbar om saam met hom na die bekendstellingsfunksie van Azadi en Akıncı Holdings toe te gaan. Tot almal se verbasing daag Tahir by die funksie op en maak ʼn aankondiging.
Woensdag, 22 Januarie
Merjan daag by Tahir met ʼn bottel wyn op. Behnam laat Farah ʼn bietjie vryheid toe maar sy word deur Rahsan gedwarsboom. Farah reël deur middel van Gönül om Tahir te siene te kry.
Donderdag, 23 Januarie
Perihan vertel vir Vera hoe Orhan haar mishandel. Mehmet probeer onthou wie hom geskiet het en Bade sê sy bly by hom sodat sy ook die naam kan hoor wanneer hy sy geheue herwin.
Maandag, 27 Januarie
Ali Galip se testament word gelees, wat Vera baie ontstoke laat. Sy vertel vir Behnam dat Tahir Mehmet se broer is. Tahir gaan lê skelm besoek by Farah af.
Dinsdag, 28 Januarie
Tahir probeer om vir Farah en Kerim van Behnam af weg te kry, maar hy word deur ʼn slinkse plan uitoorlê. Mehmet gaan terug kantoor toe, en daar wag ʼn onaangename verrassing.
Woensdag, 29 Januarie
Tahir vra Bekir om hom te help in sy oorlog teen Behnam in ruil vir Ali Galip se notaboek waarin al Ali se geheime opgeteken is. Mehmet wil sy broer opspoor en hy onthou wie hom geskiet het.
Donderdag, 30 Januarie
Dis ʼn wedloop teen tyd voordat Behnam met Farah trou en Tahir probeer haar red. Mehmet se inmenging maak Tahir se taak nog moeiliker.
My naam is Farah word Maandae tot Donderdae om 20:00 op kykNET&kie (DStv-kanaal 145) en DStv Stream uitgesaai. Dit is ook ná uitsending op Catch Up beskikbaar.
