Die gesogte kykNET Silwerskermtoekennings vir Film en TV is tydens ’n uitskieter-gala op Saterdag 31 Augustus by die Kaapstadse Internasionale Konferensiesentrum (Kiks) oorhandig, met die Showmax se Afrikaanse donker misdaadkomedie, Koek, en die speelfilm Som van Twee as die aand se grootste wenners.
Vanjaar is die gesogte Silwerskermbeeldjies weer uitgedeel aan akteurs, aanbieders en persoonlikhede wat tussen 1 April 2023 en 31 Maart 2024 vir uitmuntende vermaak op die kykNET-kanale gesorg het.
Daar is ook erkenning gegee aan legendes in die vermaaklikheidswêreld. Hans Strydom, wat al van 1973 af diep spore in veral Afrikaanse flieks getrap het en die patriarg in Binnelanders speel, en die veelsydige Denise Newman, deesdae veral bekend vir haar ikoniese rol as Bridgette in Suidooster, is beide vir hul lewensbydraes vereer. Die TV-vervaardiger Roberta Durrant is ook vir haar lewenslange toewyding aan die bedryf vereer.
“Film en TV is soos twee kamers van kykNET se hart,” sê Waldimar Pelser, Direkteur: M-Net Premium-kanale. “Die een kan nie gesond wees sonder die ander nie. Om hierdie twee kommersiële kunsvorms te verenig by ’n toekenningsaand is nie net heerlik nie, maar ook noodsaaklik.
“Dit is ook baie bevredigend om te sien hoeveel skeppers van Afrikaanse inhoud hul hand aan albei waag – filmmakers wat TV maak en andersom. Die sukses daarvan neem ons bedryf vorentoe. Dit is belangrik om erkenning te gee aan almal wat met min hulpbronne wonderwerke op skerm verrig.”
Die wenners in die TV-kategorie is:
Beste byspeler in ’n komedie
- Taktiek – Mandri Sutherland
Beste aanbieder in ’n vermaaklikheidsprogram
- Wie word ’n miljoenêr? – Rian van Heerden
Beste aanbieder in ’n leefstylprogram
- Ommighellie – Frazer Barry
Beste nuweling in ’n telenovela of sepie
- Wyfie – Mienke Ehlers
Beste akteur in ’n komedie
- Taktiek – Bennie Fourie
Beste aktrise in ’n komedie
- Magda Louw – Desiré Gardner
Beste aanbieder in ’n realiteitsprogram
- In die sop – Bertus Basson
Beste ensemble-aanbiederspan
- Toks en Tjops – Breyton Paulse, Hamilton Wessels, Rika Nieuwoudt, Rikus de Beer, Janina Oberholzer, Jean de Villiers, Jonathan Mokuena, Jannie du Plessis, Tommy Dickson (Chef Vaatjie)
Beste byspeler in ’n telenovela of sepie
- Wyfie – Marguerite van Eeden
Beste manlike byspeler in ’n drama
- Koek – Dawid Minnaar
Beste vroulike byspeler in ’n drama
- Koek – Sandra Prinsloo
Beste aanbieder in ’n joernaalprogram
- Prontuit – Kabous Meiring
Beste aanbieder in ’n dokumentêre realiteitsprogram
- Grondpad geloof – Dana Snyman
Beste aanbieder in ’n geselsprogram
- Hannes aan huis – Hannes van Wyk
Beste aanbieder in ’n aktuele program
- In gesprek – Lourensa Eckard
Beste akteur in ’n drama
- Koek – Jacques Bessenger
Beste aktrise in ’n drama
- Koek – Cindy Swanepoel
Beste aktrise in ’n telenovela of sepie
- Suidooster – Jill Levenberg
Beste akteur in ’n telenovela of sepie
- Arendsvlei – Jody Abrahams
Die wenners in die speelfilm-kategorie:
Beste draaiboek van ’n speelfilm
- Som van twee – Simoné Pretorius
Beste oorspronklike klankbaan in ’n speelfilm
- Som van twee – Snoozefest, Hunter Kennedy
Beste klankontwerp in ’n speelfilm
- Die Kwiksilwers – Sound Surgeon Studios, Morné Marais
Beste kinematografie in ’n speelfilm
- Hier.Na – Ebrahim Hajee
Beste redigering in ’n speelfilm
- Som van twee – Dries Scholtz
Beste grimering en haarstilering in ’n speelfilm
- Die Kwiksilwers – Hanri Neethling
Beste kostuums in ’n speelfilm
- Hier.Na – Ayesha Khatieb
Beste regie in ’n speelfilm
- Som van twee – Simoné Pretorius
Beste akteur in ’n speelfilm
- Som van twee – James Borthwick
Beste aktrise in ’n speelfilm
- Hier.na – June van Merch
Beste speelfilm
- Som van twee
Die wenners in die kortfilms-kategorie:
Beste draaiboek van ’n kortfilm deur ’n opkomende filmmaker
- Marie se laaste dag – Mercy Kannemeyer en Lourensa Eckard
Beste regie van ’n kortfilm deur ’n opkomende filmmaker
- Die skynwerper – Dewet van Rooyen
Beste kortfilm deur ’n opkomende filmmaker
- Marie se laaste dag
Beste kinematografie in ’n kortfilm
- Marie se laaste dag – Tom Marais
Beste redigering in ’n kortfilm
- Baas se honne – Leon Visser
Beste akteur in ’n kortfilm
- Die skynwerper – Ben Albertyn
Beste aktrise in ’n kortfilm
- Selah – Erica Wessels
Beste Shotgun-kortfilm
- Baas se honne
Die wenners in die dokumentêr-kategorie is:
Beste kort dokumentêr
- Maak stil die geblaf
Beste regie in ’n kort dokumentêr
- Maak stil die geblaf – Marisa van Tonder
Beste redigering in ’n kort dokumentêr
- Vergeet van my – Pierre-Arnold Theron
Toekennings vir lewensbydrae
- Denise Newman (aktrise)
- Hans Strydom (akteur)
- Roberta Durrant (TV-vervaardiger)
FEESGUNSTELING
- Die Kwiksilwers
Die Silwerskermtoekennings vir Film en TV word op Sondag 1 September om 20:00 op kykNET en DStv Stream (DStv-kanaal 144) uitgesaai.
