Elke week bring ons vir jou ’n opsommende voorskou oor al die drama, smart en skandale waarna jy op kykNET&kie se Turkse telenovelas, wat na Afrikaans oorgeklank is, kan uitsien.
Hier is wat hierdie week op Moederhart en op die heel laaste episode van Skerpioen gaan uitspeel.
Moederhart
Maandag, 6 Mei
Nefise vra Muzaffer vir hulp om Emre te bevry. Ahmet steel sy pa se geld om Zeynep te help.
Dinsdag, 7 Mei
Nefise besef iets verskriklik en dit dwing haar om ’n eerlike gesprek met Muzaffer te hê. Onur konfronteer vir Zeynep.
Woensdag, 8 Mei
Muzaffer jaag vir Azime en Emel weg en gooi Nefise se klere uit. Nefise en Emre vind uit van Zeynep en Ahmet se huwelik.
Donderdag, 9 Mei
Ahmet ontvoer vir Zeynep. Emre en Suat kry werk op ’n boot.
Moederhart word van Maandag om 17:30 op kykNET&kie (DStv-kanaal 145) en DStv Stream uitgesaai. Van Dinsdag, 7 Mei 2024, skuif Moederhart na die 20:00-tydgeleuf vir die res van die reeks.
Skerpioen
Maandag, 6 Mei – slotepisode
In die slotepisode oorreed Perihan vir Ferda om haar uit die hospitaal te kry om die een droom op haar lysie te laat waar word. Min weet Ferda dat Perihan nog een troefkaart het om te speel.
Skerpioen se finale episode word Maandag, 6 Mei 2024, om 20:00 op kykNET&kie en DStv Stream (DStv-kanaal 145) uitgesaai. Hou terloops dop vir nuus oor die volgende telenovela wat oorgeklank gaan word.
