Hier is ’n voorsmakie van wat jy hierdie maand in Suidooster kan verwag.
Donderdag, 1 Augustus
Texas vertel vir Justin en Gary die casino is iets van die verlede, terwyl Aiden ’n spesiale aand vir Lisa reël. Mymoena jok vir Rhafiek.
Vrydag, 2 Augustus
Bridgette se planne om vir Zoë aan ’n man voor te stel boemerang. Texas vind iets oor Mymoena uit en sy raak meer desperaat. Hoe ver sal sy gaan?
Maandag, 5 Augustus
Gaan Mymoena die wet breek om haarself te red? Zoë voel onseker oor haarself ná ’n uitval met Gary. Aiden is gereed om vir Lisa die ja-woord te vra, maar is sy gereed om te antwoord?
Dinsdag, 6 Augustus
Aiden verkondig sy verlowing aan die wêreld, terwyl die kloue tussen Angie en Zoë uitkom. Mymoena stuur ’n skokkende plan van stapel om uit haar penarie te kom.
Woensdag, 7 Augustus
Thys tree irrasioneel op, en dit kompliseer dinge tussen hom, Lisa en Aiden. ’n Wit leuentjie laat vir Wade in die kookwater beland, terwyl Mymoena die kans kry om die regte ding te doen. Maar sal sy?
Donderdag, 8 Augustus
Rhafiek is nie beïndruk met die kar wat sy ma gekoop het nie. Zoë vat ’n kans met Wade, en Mrs J is angstig oor Ronald se besoek.
Vrydag, 9 Augustus
Bridgette hou ’n braai vir Texas, terwyl Elana weer duiselig raak. Mrs J se vriende is bekommerd oor haar en Zoë bieg iets aan Wade …
Maandag, 12 Augustus
Aiden is bekommerd wanneer hy hoor Justin het ook inmekaar gesak. Wade het sy keuse gemaak oor Zoë, terwyl Rhafiek iets oor sy broer uitvind.
Dinsdag, 13 Augustus
Bridgette kom agter daar is ’n klein ongerymdheid in Texas se agtergrondstorie. Rhafiek besluit om Mymoena vir die dag te agtervolg, terwyl Aiden skokkende nuus kry.
Woensdag, 14 Augustus
Mymoena het baie om te verduidelik, maar is dit te laat? Thys het ’n nuwe plan vir die bestanddeel waaroor Aiden twyfel, terwyl Angie vrede probeer maak met Wade ná hulle groot uitval.
Donderdag, 15 Augustus
Bridgette is vasbeslote om uit te vind wie die casino se grootbaas is. Aiden word agterdogtig wanneer nog mense siek raak en die Samsodiens sien lig aan die einde van die tonnel… Maar span hulle die wa voor die perde?
Vrydag, 16 Augustus
Aiden kry skokkende nuus, en Bridgette is op die oorlogspad. Mymoena beland in die kookwater, maar iemand kom onverwags tot haar redding…
Maandag, 19 Augustus
Lisa stel haar geheime plan in werking. Justin en Susan rig ’n ernstige pleidooi aan Bridgette, terwyl Nazeem beheer neem.
Dinsdag, 20 Augustus
Mymoena is desperaat, terwyl Aiden iets skokkend ontdek. Mrs J bereik ’n laagtepunt en Wade bieg iets aan Angie …
Woensdag, 21 Augustus
Rhafiek wil niks meer met Mymoena te doen hê nie en dit breek haar hart. Aiden moet vure doodslaan om sy apteek te red, terwyl Lisa se wêreld in duie stort.
Donderdag, 22 Augustus
Bridgette en Lee-Ann besef daar is groot fout met Mrs J. Wade en Zoë is ongemaklik met mekaar en Mymoena bereik ’n absolute laagtepunt.
Vrydag, 23 Augustus
Aiden en Kate kry slegte nuus oor die apteek en die CognoZee-drama. Mymoena probeer regmaak wat sy verbrou het, maar is dit makliker gesê as gedaan? Angie raak agterdogtig.
Maandag, 26 Augustus
Mrs J sien uit na haar volgende besoek aan Ronald, terwyl Angie uitvind wie vir Wade muffins gestuur het. Bianca en die Samsodiens is voor ’n vurk in die pad…
Dinsdag, 27 Augustus
Zoë besluit om buite haar gemaksone te tree, terwyl Riaan probeer om Bianca tot nuwe insigte te bring. Mymoena veg om in beheer te bly van ’n plofbare situasie en Mrs J neem ’n groot besluit…
Woensdag, 28 Augustus
Angie is verbaas om te hoor dat Zoë en Gary vroeg weg is by Anker. Die Samsodiens slaak ’n sug van verligting, terwyl Mrs J se dogters ongelukkig is oor haar groot besluit.
Donderdag, 29 Augustus
Bridgette betrap Gary in ’n ongemaklike posisie, terwyl Elana en Justin weer vassit. Mrs J het stof tot nadenke oor haar planne
Vrydag, 30 Augustus
Elana is reg om vir Justin te wys hoekom Dolly Parton beter as Elvis Presley is. Mrs J neem ’n groot besluit, terwyl Gary voor Zoë verneder word.
Kyk Suidooster weeksdae om 18:00 op DStv-kanaal 144 (ook aanlyn op DStv Stream) of ná uitsending op Catch Up.
