Hier is ’n voorsmakie van wat jy hierdie maand in Binnelanders kan verwag.
Donderdag, 1 Augustus
Delia oorweeg dit om Conrad oor Laetitia te konfronteer, Thalia probeer LJ oorreed om oop kaarte met Ella te speel, en ’n senuagtige Annetjie berei voor vir die brei-marathon.
Vrydag, 2 Augustus
Dinge lyk nie baie positief vir Nicolette nie, Laetitia stel haar kant van die saak, en Ella het genoeg gehad van LJ se streke.
Maandag, 5 Augustus
Nicolette wag in spanning vir uitslae van haar hand se X-strale. At se nuwe voorstel om Laetitia veilig te hou, skok vir Delia. Ella konfronteer juffrou Woods een laaste keer.
Dinsdag, 6 Augustus
At en Conrad jok vir Lukas om hom op ’n dwaalspoor te lei, en Tracy vind uit Gaby gaan vir ’n ruk kom kuier. Naomi is skepties oor LJ se intensies met Thalia.
Woensdag, 7 Augustus
Kan ’n akker romanties wees? LJ het ’n paar planne, maar ’n gesprek met Ella laat Thalia twyfel. Delia voel skuldig oor Lukas, en sy vind troos by Conrad.
Donderdag, 8 Augustus
Tertius twyfel oor sy aanbod dat Gaby by hulle bly, en Thalia vertel vir Naomi die waarheid oor die prelim-partytjie. Die elektrisiteit tussen twee Binnelanders is voelbaar.
Vrydag, 9 Augustus
Louis en Naomi blameer LJ vir Thalia se ‘toestand’, Delia is ontsteld omdat sy nie weet waar Lukas is nie, en Gaby vermoed sy is in Tracy se pad.
Maandag, 12 Augustus
Thalia is LJ se laaste hoop. At en Conrad is geskok oor ’n antwoord van Delia, en Gaby maak ’n skuif.
Dinsdag, 13 Augustus
Delia maak ’n groot deurbraak, en Conrad het ’n verrassing vir haar. Uys moet erken hy was verkeerd, en Karen is vies vir Gaby. LJ begin aanvaar wie sy ma was.
Woensdag, 14 Augustus
LJ wil by Thalia kuier, maar Ella vat hom vas. Nie almal is ewe beïndruk met Delia se nuwe aanstelling nie, en Tertius is omgekrap wanneer hy uitvind van ’n nuwe dokter by Ongevalle.
Donderdag, 15 Augustus
Delia is tot breekpunt gespanne, en Annetjie maak die lewe nie vir haar makliker nie. Wanneer ’n hoë-profiel openbare figuur in Binneland opgeneem word, is die situasie plofbaar.
Vrydag, 16 Augustus
Gaby sukkel met die morele vraagstuk van ’n moeilike situasie, Ella voel bedreig deur die nuwe dokter se teenwoordigheid, en Annetjie sukkel met haar verstandtande.
Maandag, 19 Augustus
Die nuus van Binneland se berugte pasiënt versprei soos ’n veldbrand. Delia ontvang ’n vreemde versoek van ’n kollega, en Uys skeer die gek met ’n kollega.
Dinsdag, 20 Augustus
Binneland word ingeperk, niemand kan in of uit nie. Annetjie is geskok om te hoor mense dink sy het geld geleen, en Gaby maak ’n plan.
Woensdag, 21 Augustus
Gaby is oorgehaal om met ’n pasiënt te praat – met of sonder Rian se hulp. Annetjie voel al meer skuldig oor iemand se geld, en Nicolette wonder oor die konneksie tussen twee dokters.
Donderdag, 22 Augustus
Rian dra ’n geheim, en Annetjie wil berge vir Delia versit. Ella is bekommerd dat LJ moontlik depressief is, en vriendelike kompetisie in Ongevalle duur voort.
Vrydag, 23 Augustus
Delia se hart breek vir Annetjie, en Nicolette waarsku iemand om in sy spoor te trap. ’n Terloopse opmerking deur Karen gee Gaby ’n idee.
Maandag, 26 Augustus
Ella vra Uys se hulp met LJ, en Delia probeer ’n klip uit die pad rol vir Annetjie. Gaby neem drastiese stappe om by ’n pasiënt uit te kom.
Dinsdag, 27 Augustus
’n Hysbak-krisis kom tot ’n dramatiese einde, en Tertius is woedend vir Gaby. Delia moet besluit wat haar prioriteite is, en twee dokters sien alles as ’n kompetisie.
Woensdag, 28 Augustus
LJ doen nog ’n besering op, en die polisie ondersoek iemand se dood. Gaby moet slegte nuus oordra.
Donderdag, 29 Augustus
Die verkeerde ding word (hopelik) vir die regte redes gedoen. Skokkende nuus word uit Sudan ontvang, en Annetjie neem ’n interessante besluit ten opsigte van haar beroep.
Vrydag, 30 Augustus
Nicolette vang twee dokters uit. Gaby is die hoofverdagte in ’n moord-ondersoek, maar Rian is oorgehaal om haar onskuld te bewys, veral wanneer hy aan ’n nuwe teorie dink.
Nuwe episodes van Binnelanders word vanaf Maandag tot Vrydag om 19:30 op kykNET en DStv Stream (DStv-kanaal 144) uitgesaai. Daar is ook elke aand ’n herhaling van die episode om 23:30, asook Dinsdag tot Vrydag om 08:30.
Episodes van die vorige seisoen van Binnelanders word vanaf Maandag tot Vrydag om 22:00 op kykNET&kie. (DStv-kanaal 145) uitgesaai, met herhalings van dié episode om 01:00 die volgende dag. Daar is ook ’n omnibus van die week se episodes op ’n Saterdag om 10:30.
Seisoene 8-12 van Binnelanders is op Showmax beskikbaar. Die huidige seisoen is nie beskikbaar op die plaaslike weergawe van dié diens nie.
