Menu terloops
In Gons [14 Mar 2024]

‘Bravo!’: Nuwe tydgleuf vir gewilde glansprogram


‘Bravo!’ se Ewan, Marciel en Reynard is vanaf begin-April in ’n splinternuwe tydgleuf op kykNET te sien ná meer as ’n dekade se Sondae in kykers se sitkamers.

‘Bravo!’: Nuwe tydgleuf vir gewilde glansprogram

Die gewilde Afrikaanse glansprogram, Bravo!, spog binnekort met ’n nuwe tydgleuf. Dít sal vanaf Donderdag, 11 April 2024, om 21:00 op kykNET uitgesaai word, in plaas van Sondae om 18:00.

Bravo! is vir meer as ’n dekade een van kykNET  se ankerprogramme. Dit gee sedert 2012 vir kykers ’n blik op die Suid-Afrikaanse glanswêreld, gepaardgaande met kuiers in die binnekringe van bekendes. Die program word deur Ewan Strydom, Reynard Slabbert en Marciel Hopkins aangebied.

Ewan is ook die aanbieder van die werklikheidsreeks, Plaasjapie, waarvan die tweede seisoen op Donderdag, 18 April 2024, om 20:00 op kykNET begin. Die nuwe seisoen van Plaasjapie vervang die maatsoekreeks Op my eish! met musiekman Brendan Peyper wat eersdaags ten einde loop.

“Dit is vir my ’n groot voorreg om vanaf April eers Donderdae ’n stofpadraai by Plaasjapie te gooi om te wys hoe die stadsjapies swoeg en sweet, en dan direk daarna koers te kies na die rooitapyt,” sê Ewan.

“Gelukkig is ek ewe tuis in ’n stywe Boerboel-kortbroek en -hemp as ’n swierige swart pak!” 

Weens hierdie skeduleverandering, gaan Fiësta, wat ook reeds vir sowat tien jaar deel is van die kykNET-spyskaart, ook in ’n nuwe tydgleuf – Sondae om 18:00 vanaf 7 April 2024 – uitgesaai word. 

Al dié kykNET-programme kan ook op DStv Stream gestroom word en is boonop ook ná uitsending op Catch Up beskikbaar.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

Jou kykgids vir ‘Boer soek ’n vrou’ se 16de seisoen

Dit als begin met ’n brief... Hier is wat jy in elke episode van die nuwe seisoen van die maatsoekreeks 'Boer soek ’n vrou', vanaf Donderdag, 18 Julie 2024 op kykNET, kan verwag.

Meer

Die onverbiddellike houvas van Jake Gyllenhaal se ‘Presumed Innocent’

'Presumed Innocent', ’n nuwe misdaadreeks op Apple TV+ met Jake Gyllenhaal in die hoofrol, is ’n rit deur troebel waters van geregtigheid en verraad – ’n rit wat jy eerder nie moet misloop nie.

Meer

Redakteurskeuse vir Julie 2024: Trefferreeks ‘Elite’ se finale seisoen, ’n robot vir jou trane in meesleurende ‘Sunny’, en nog

Wat om te kyk: Die finale seisoen van die Netflix-treffer ‘Elite’, ’n manjifieke Kate Winslet in ‘The Regime’ en ’n troos-robot in ‘Sunny’ tel onder my keur van TV-vermaak vir vandeesmaand se redakteurskeuse.

Meer

Jou ‘Skemergrond’-gids vir Julie 2024

Ons ontmoet die mense van Gemoedsdrif, en sommer in die eerste episodes is daar reeds nuwe romanse, ’n bakleiery en iemand se verlede wat kom spook. Dít en nog meer is waarna ‘Skemergrond’-kykers in Julie kan uitsien. Hier is ons handige kykgids.

Meer
Sien alle opsies