Hier is ’n voorsmakie van wat jy hierdie maand in Arendsvlei kan verwag.
Woensdag, 1 Mei
Lee-Roy en Devon se verhouding neem ’n nuwe draai. Lionel help Hein om die waarheid te sien. Abigail vind haarself in ’n moeilike situasie.
Donderdag, 2 Mei
Johannes krap vir inligting by Janice. Birdy sukkel om ’n duidelike antwoord uit Hein te kry. Abigail maak vrede met beide Adam en Ivan.
Maandag, 6 Mei
Hein is onseker of hy saam met Birdy kan weggaan. Devon luister na Sasha se raad. Kyle en Beatrice stem saam oor Adam en Abigail. Desmond oorhandig ’n ultimatum aan Janice om vrede te bewaar.
Dinsdag, 7 Mei
Janice oorweeg dit ernstig om Desmond se aanbod te aanvaar. Birdy probeer om Hein te oortuig dat hulle Raalte toe gaan. Abigail en Adam se verhouding raak dieper.
Woensdag, 8 Mei
Janice en die winkeleienaars verloor alle hoop. Hein probeer van ’n gebroke hart herstel. Lee-Roy kry ’n raaiselagtige aflewering.
Donderdag, 9 Mei
Abigail en Adam se band word sterker. Desmond begin die impak van Janice se videos voel. Lee-Roy weet hy sal nooit vrede vind totdat hy die pakkie oopmaak nie.
Maandag, 13 Mei
Die winkeleienaars kom tot ’n besluit in verband met Desmond se aanbod. Die gemeenskap reageer op die hartseer nuus oor Ronel. Yvette help Hein deur sy hartseer.
Dinsdag, 14 Mei
Bianca vind dit moeilik dat Thys oor Ronel treur. Audrey beskuldig Desmond dat hy ’n swakkeling is. Bompie gee vir Daniel ’n hewige pakslae oor sy inmengery.
Woensdag, 15 Mei
Desmond sit nog druk op Mortlocks. Yvette en Hein se vriendskap blom. Thys en Bianca neem hulle verhouding na die volgende vlak.
Donderdag, 16 Mei
Thys en Bianca maak ’n onverwagse aankondiging. Beatrice, Lionel en Adam berei vir die matriekkamp voor. Lee-Roy is verbaas wanneer ’n vriendin van Amsterdam in die Vlei opdaag.
Maandag, 20 Mei
Lee-Roy is nie eerlik oor hoekom Anna in die Vlei is nie. Adam kry vir Rachel en Bompie in mekaar se arms. Emile en Sasha het skielik ’n spelerige atmosfeer tussen hulle.
Dinsdag, 21 Mei
Lee-Roy sukkel met Anna se versoek. Adam se gedagtes is nog by sy ma en die Galant’s. Sasha moeding vir Yvette aan om die dansklas by te woon.
Woensdag, 22 Mei
Lee-Roy strek ’n helpende hand uit na Anna. Bompie hou die matriekkamp-leerlinge dop met ’n bose plan. Devon voel ongemaklik oordat Lee-Roy so geheimsinnig oor Anna is.
Donderdag, 23 Mei
Rachel het die mes in vir Beatrice oor Adam. Devon konfronteer vir Lee-Roy oor Anna. Bompie put genot uit die feit dat hy vir Rachel kan troos.
Maandag, 27 Mei
Devon en Anna leer mekaar ken. Sasha vind haarself in Emile se arms. Rachel sukkel om haar verlies te verwerk.
Dinsdag, 28 Mei
Daar kom ’n wending in Lee-Roy en Anna se verhouding. Kyle ontvang die lykskouer se verslag. Ivan probeer dinge makliker maak vir Abigail.
Woensdag, 29 Mei
Lee-Roy vertel Devon die waarheid oor Anna se swangerskap. Beatrice besluit om vir Rachel te besoek. Hein is ontsteld wanneer Cornelius belangstelling in Yvette toon.
Donderdag, 30 Mei
Rachel is na aan breekpunt en ondervra Beatrice deeglik. Lee-Roy is onseker oor wat hy moet doen. Sasha en Emile voel mekaar uit.
Arendsvlei is elke Maandag tot Donderdag op kykNET & kie (DStv-kanaal 145, ook op DStv Stream) om 19:30 te sien. Dit is ook op Catch Up beskikbaar.
