Die “komplekse en dikwels verrassende aard van die (storie se) kinkels” is wat die anthology-reeks Accused, van ander misdaaddramas uitsonder, skryf die resensent Brian Lowry van CNN.
Die reeks is gegrond op ’n gelyknamige Britse weergawe. Dit is destyds vir die vertolkings van akteurs soos Naomie Harris, Andy Serkis, Olivia Colman en Peter Capaldi uitgesonder.
Die Amerikaanse weergawe volg dieselfde resep met die fokus wat in elke episode op ’n ander beskuldigde in ’n misdaadsaak val. Die storie speel hoofsaaklik in die hof af met die gebeure wat tot die strafsaak voorafgegaan het wat vanuit die beskuldigde se perspektief vertel word.
Die anthology-formaat van Accused is egter ’n dubbelsnyende swaard – hoewel dit in ’n mate bevredigend is dat ’n hele mini-verhaal in ’n enkele episode kan uitspeel, en resolution voor die uur verby is noodwendig gevind gaan word, is dit arm aan diepte en nuanse wat deur die komplekse onderwerpe genoodsaak word.
Weeklikse episodes van Accused vanaf 28 September om 20:00 op M-Net en DStv Stream (DStv-kanaal 101). Ook op DStv Catch Up ná uitsending.
