Jennifer Aniston en Reese Witherspoon lewer reeds vir drie seisoene uithalervertolkings in die bekroonde dramareeks, The Morning Show.
Die reeks, wat reeds vir ’n vierde seisoen hernu is, draai om die survival of the fittest-wêreld van TV-nuus. Veral om mornings shows wat ’n groot deel van Amerikaanse se oggendkultuur en nuusinname is.
In die derde seisoen is die voortbestaan van die TV-netwerk in gedrang en die spanning loop hoog as ’n tech giant dan daaraan dink om die netwerk te koop. (Klink dit dalk bekend…?? Kuggie.) Heel onverwagte alliances word gesluit en niemand se geheime is meer veilig as dit jou ’n tree voor iemand anders kan sit nie. Dis mos ’n cutthroat wêreld dié. Een wat wel almal mettertyd dwing om hul kernwaardes – binne en buite die nuuskantoor – in oënskou te neem.
Aniston is op haar beste in The Morning Show. Steve Carell, Billy Crudup en Mark Duplass maak ook deel uit van die besonderse rolverdeling.
Die derde seisoen van The Morning Show is vanaf 13 September 2023 op Apple TV+. Seisoen 1-2 is ook op Apple TV+ beskikbaar om te stroom.
