Foundation is ’n wetenskapfiksiereeks en losweg gegrond op die bekroonde romans deur Isaac Asimov. Die reeks vertel die storie van The Foundation, ’n groep bannelinge wat ontdek dat dat hulle die sogenaamde Galaktiese Ryk eers tot ’n val sal moet bring voordat hulle dit – en daarmee saam die mensdom en beskawing – kan red.
Die tweede seisoen strek oor 10 episodes. Die reeks is reeds vir ’n derde seisoen hernu. Onder die rolverdeling tel Lee Pace (The Hobbit-trilogie) en Jared Harris (Mad Men, Chernobyl).
Pretbederwer!
Moenie verder lees as jy beplan om eers die reeks vanaf die eerste seisoen te binge nie!
In die laaste episode van die eerste seisoen vind Salvor Hardin, vertolk deur Leah Harvey (Fighting with My Family) uit dat sy die biologiese dogter is van Gaal Dornick (Lou Llobell) en Raych Foss (Alfred Enoch wat Dean Thomas in Harry Potter-flieks is). Dis die einste twee wat op een of ander vreemde manier verantwoordelik was vir die psigogeskiedkundige Hari Sheldon se moord. Jared Harris (Chernobyl, Morbius, The Terror) vertolk die rol van Hari, held en mentor van die Terminus-kolonie.
Salvor groet haar geliefde Hugo (Daniel MacPherson van Neighbours-faam) en vaar die ruimte in op soek na Gaal Dominick . . .
Vanaf Vrydag, 14 Julie 2023, op Apple TV+.
