Menu terloops

High Desert S1

Op Ander [Gepubliseer op 17 Mei 2023]


Die komediereeks ‘High Desert’ vertel die storie van Peggy, ’n dwelmverslaafde wat ná haar ma se dood besluit om ’n private speurder te word.

High Desert S1
Kyk lokprent

Die aktrise Patricia Arquette vertolk die hoofrol in die nuwe komediereeks, High Desert. Dis ’n sterbelaaide rolverdeling – ook Rupert Friend, Matt Dillon, Brad Garrett en Bernadette Peters tel onder die spelers. 

High Desert draai om Peggy (Arquette in maar net nog een van haar briljante vertolkings). Peggy se lewe is heeltemal ná haar ma se dood omgedolwe. Sien, Peggy is ’n on-again-off-again-dwelmverslaafde, maar die verlies van haar ma dryf haar tot radikale verandering as sy besluit om ’n private speurder te word.

Die storie, wat in die klein woestyndorpie van Yucca Valley, Kalifornië, afspeel, se wyer narratiewe draad sien hoe dié dorpie se karakters elkeen hul eie ommekeer deurgaan – van Guru Bob (Friend), ’n voormalige nuusleser wat hom nou as ’n woestyn mystic voordoen, tot Bruce (Garrett), Peggy se nuwe baas wat dit skaars regkry om sy besigheid aan die gang te hou. 


Vanaf Woensdag, 17 Mei 2023, op Apple TV+ beskikbaar om te stroom. Die eerste drie episodes word saam uitgereik, waarna nuwe episodes weekliks beskikbaar gestel sal word.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

As jy hou van misdaadreekse
15

15+ van die beste spanningsbelaaide polisiereekse om nou te kyk

Wat om te kyk: Daar is heelwat ander meesleurende polisie- en misdaadreekse om te stroom – hier is ons keur van die huidige bestes.

Meer

Redakteurskeuse vir Mei 2024: Vonke spat in ‘Bridgerton’ S3, ‘Juffrou X’ boei, en nog

Wat om te kyk: Die nuwe seisoen van ‘Bridgerton’, kykNET se moet-kyk dramareeks ‘Juffrou X’ en nog twee boeke wat in TV-reekse omskep is, ‘Dark Matter’ en ‘Maxton Hall’, tel onder my keur van TV-vermaak vir vandeesmaand se redakteurskeuse.

Meer

‘Wyfie’: Jou kykgids vir Mei 2024

Amanda se troebel verlede kom onder die loep, terwyl Kyla dalk ’n bietjie te hard kuier. Hier is wat jy vandeesmaand op die Afrikaanse universiteitsdrama, 'Wyfie', kan verwag.

Meer

Jou ‘Arendsvlei’-gids vir Mei 2024

Die Vlei se mense kry hartseer nuus, verhoudings neem nuwe draaie, en Desmond sal moet pasop vir Audrey – 'Arendsvlei'-kykers kan na dít en nog meer in Mei uitsien. Hier is ons handige kykgids.

Meer
Sien alle opsies