The Midwich Cuckoos is ’n hedendaagse herverbeelding van John Wyndham se gelyknamige klassieke wetenskapfiksieboek. Wyndham se storie is reeds bekend aan gruwelliefhebbers as die fliek Village of the Damned (1960). In 1995 is dié fliek dan ook herverwerk deur die sogenaamde meester van die gruwelgenre, die regisseur John Carpenter.
Dié iterasie van Wyndham se verhaal is egter die eerste keer wat dit in ’n langer reeksformaat herverbeel is.
Die storie speel af in die stil Engelse dorpie van Midwich. Niks veel gebeur hier nie – tot een somersaand as ’n raaiselagtige verduistering oor die dorp toesak en Midwich se vroue skielik – en onverklaarbaar – swanger laat.
The Midwich Cuckoos bestaan uit sewe episodes met die rolverdeling wat onder andere die BAFTA-benoemde Keeley Hawes en Max Beesley insluit.
Binge episodes 1-3 vanaf Vrydag, 5 Mei 2023, op Showmax. Daarna word twee episodes weekliks beskikbaar gestel.
