Elke week bring ons vir jou ’n opsommende voorskou oor al die drama, smart en skandale waarna jy op kykNET&kie se Turkse telenovelas, wat na Afrikaans oorgeklank is, kan uitsien. Hier is wat op Moederhart en Skerpioen gaan uitspeel.
Moederhart
Maandag, 29 April
Nefise en haar kinders word herenig, maar dis nog onseker teen watse prys. ’n Erg besope Ahmet maak planne om wraak te neem.
Dinsdag, 30 April
Emre word wakker ná ’n nagmerrie met sy Ma wat hom vertroos. Ahmet bring ’n wettige trousertifikaat te voorskyn.
Woensdag, 1 Mei
Azime besef haar tydjie by die villa raak al korter. Emre word ontvoer.
Donderdag, 2 Mei
Onur wil Muzaffer oortuig om vir Azime en Emel hulle vryheid terug te gee. ’n Nare verrassing wag op Sengul.
Moederhart word van Maandag tot Donderdag om 17:30 op kykNET&kie (DStv-kanaal 145) en DStv Stream uitgesaai.
Skerpioen
Maandag, 29 April
Ferda rou oor Ahmet se dood. Efe is bang om Ferda te vra om met Merve te trou.
Dinsdag, 30 April
Daar is groot opgewondenheid oor Merve en Efe se troue. Duru en Sahin herinner almal daaraan dat Ferda ’n moordenaar is.
Woensdag, 1 Mei
Aysem kan nie vir Ferda oorreed om afstand van haar aandele te doen nie. Die vroue verras Aras, Efe en Sahin by hul ramparty.
Donderdag, 2 Mei
Die troudag breek aan. Perihan stort ineen nadat die kinders vertrek.
Skerpioen word van Maandag tot Donderdag om 20:00 op kykNET&kie (DStv-kanaal 145) en DStv Stream uitgesaai.
